L’OROLOI E L’OROLOGER

di Cornelio Galas

Ho lèt, nei dì pasài, en dàmela e tòmela, sul Corièr de la Sera, a propòsit de cossa ghe poderìa esserghe de là. Dopo morti, se sa, Ha dit la sua anca el Boceli, el tenor: “Se gh’è en mondo fat da ‘n sach de case, de robe, tut mal fate da qualchedùm che le gh’aveva en ment, vol dir, apunto, che gh’è qualchedum che l’ha pensàe no? ” I gà rispòst – semper sul giornal – che no l’ha ‘nventà l’aqua calda. Che gh’è zà stà altri che gh’era arivà prima a ste conclusiom. Come quel che diséva: “Ae gh’è n’orolòi, vol dir che gh’è anca n’orologèr …”.

No so voi, ma mi no som mai stà ùm che néva mat per i orolòi. Anca per el fàto che – diséntelo – l’ora no l’è mai giusta. E no ghe z’entra che ogni tant te devi tirarla endrìo o ‘nvanti. Basta nar su n’aeroplano. Te parti, meti de matina, e a seconda de dove te vai, pol darsi che te arivi … a n’ora (o pu ore) prima de quando te sei partì. O a n’ora (e de pù) dopo de quel che te pensévi.

L’orologèr? El va bem dove te abiti, dai. Perché basta nar en po’ de pù de là, o de chi, e anca lù el và ‘n pàra. “Ma no, ma no – i me dìs – se parla de l’orologèr come de um che fà l’orolòi. Dopo, l’è càvoi nòssi, se sa. Va bèm. Meténtela cosìta alora: gh’è n’orolòi. E sicome gh’è n’orolòi vol dir che gh’è anca chi ha fat que l’orolòi. E alora vol dir che qualchedùm ha fat ‘sto mondo: no sol i orolòi, ma propri tut el mondo. Va bem. Altri i dìs che el to destim l’è segnà. Giust come n’orolòi.

E alora torném da l’orologèr: set sicur de aver fat en modo che la me ora l’è giusta? Set sicur de aver fat su tut el to ambaradam de engranagi come se deve? E ancora, perché te gài dàt pu temp a mi vecio bacuco che a ‘n bocia ‘pena nat? Va bèm tut, per amor de l’orologèr, ma zerte robe le te fà vegnir dei dubi. Per esempi: ‘n do elo che i vende i orologi che dura de pù?

Questa voce è stata pubblicata in Senza categoria. Contrassegna il permalink.

Lascia un commento