L’ODOR DE LA MALGA

Che te par la sia lì

a do passi

Ancor do passi, dai

‘sa vot che sia

Envèze, a metà senter

te scomìnzi

a veder i santi, la madona

e anca le pie done

Po’ te senti, ne le recie

la voze del to dotor

“Fuma de mem,

fuma de mem,

anzi smeter

saria meio”

E su, e su, fin che te senti

quel bom odor

tra cài e formai

che se fà

tra lat apena monzù

e fum de pipa

(ma alora quela

la fa men mal

dei zigareti ?)

se miscia tut

a quel che mola ne l’aria

i pini mughi

A quel che al nas

fa vegnir zo i mòcoi

(saral el fret?)

Te arivi en mez ale bestie

che move la coa

Come ‘n dir:

“Anca ti ancoi

a roter le bale?”

Po’ el malgher

el te varda

el te varda ancora

Se capis che te

ghe fai compassiom

“En goz de lat,

vei che tel dago:

scolta, gh’at magari

en zigaret?”