di Cornelio Galas
Alto Garda e Ledro, 2048
-Ciao Mario, t’hai tirà fòra demò dal giàz? Ah ma te sei restà gualìf neh … pù bel dirìa.
“Va ‘n mona valà che da quando i m’ha scongelà no soporto pù el càlt”
–Eh quela l’è na roba che no è cambià en tuti sti ani.
“Difàti, a dirla tuta – no so se l’è perché ala fim me piasèva de pù el frét – ma osc’ia se suda anca a no far gnent neh”.
-Véra, véra, se a so temp i avès fat qualcos per no scaldàr tut quant, envéze …
“Ma dìme, pitòst, cossa èlo tute ste costruziom, anca per aria, quele pareàne … ma el calt gàlo fat mal ala testa chi en Busa?”
-Hat vist? Sì vàra, ala fim è vegnù fora tuti sti sciapotaméneti … la néva squasi meio quando la néva pèzo.
“Ma … ma ‘sa èlo tuti quei fili su nel zèl? Cramento, vara vara … i và sì zo … osc’ia i ghe dapertut …”.
-Zà, zà … i ha tacà via a farli poch dopo che i t’aveva més nel giàz. Così i m’ha dit, perché mi i ho trovai zà bel e fàti quando i m’ha tirà fora mi dal frét.
“Ma madòna … dapertut propri: ‘sa gh’è vegnù en ment?”
-Tèi, ha scominzià a far calt anca en inverno neh. En sól che bruséva. Alora per far en modo che no se cosés tut e tuti i ha enventà sta …sta roba. L’è dei cavi de alumini, no i pésa tant, però gròsi, duri, engiomài. I gà més n’am, forsi anca de pù, neh a tirarli da na banda a l’altra sóra la Busa. Po’ con quei dei elicòteri i gà més sora quel tesù che i dropa anca per far le ombrèle. E da alora, dai, el paréva che ‘l fussa mem calt.
“Va bèm, ma no me par che se stàga tant meio adés, com’èla?”
-Varda, no stà domanderme el perché e el percome, no capìsso gnent de ste robe. Fato stà che na volta fàta sta gran embragadura i era tuti contenti … no se arfiéva pù come prima ensoma.
“E alora? ‘sa è suzès dopo?”
-I penséva de aver fat le robe stàifele. Se no alter per tuti quei soldi che sto cuert de tela de ombrèla l’era vegnù a costar. Envéze caro mio dopo gnanca tre mesi è vegnù fòra le magagne.
“S’è rot i cavi? Ma no che vedo che i gh’è ancora su …”
-No, no s’è rot gnent per quel. I cavi i ha tegnù bèm. I gavéva lasà anca dei bùsi,nò massa grandi ma gnanca massa picoi, da dove ciapàr l’aqua de la piòza (la finìva nele vecie vasche dela sporcaria su a la Maza). Tra l’alter i contadini i era contenti perché no serviva pù i teloni contro le tompestàe …
“Va bèm, ma perché l’è ancora sì calt?”
-Tèi, sta embragaùra la tegnìva bem bòta contro quel che podéva vegnir zo dal de sòra. Ma la ferméva anca tut quel che vegniva dal de sóto.
“E ‘sa vegniva su dal de sóto?”
-Osc’ia tuti i fumi dele machine, dele fornèle, dele fabriche. En pù tàcheghe anca el fato che i elicoteri i dovéva far en sàch de manovre per ciapar el bùs giust e vegnir zo. Me digo che na desina, se non de pù, i è cascai anca zo.
“Sì ma le machine, le fabriche i fumi i gh’era anca prima no?”
-Si l’è véra. Ma … varda zo vers el làch …
“Cramento, cossa èlo quel mur alt? Ma èi deventài màti?”
-Eco, sicome tanti i avéva tirà fòra anca la storia del vent che ‘l feva dani quando el vegnìva frasà, i ha fat su quel mur che pàssa via anca el Briom. Così en pratica i ha stupà quel bùs de la Busa che restéva avert, quel vers el lach. Oh, i gà lassà tut mal el modo de sfiatàr per la Sarca e altri torentèi neh…
“E vers Dro e le Sarche?”
-Ah lì è bastà en murét pù bàs e tut mal no i è mai nài d’acordi quei de la busa con quei su de Toblim neh. I ha dit: ma che i se ciàva, basta che no stravénta e sém a posto.
“Ho capì, ala fim la Busa l’è deventàda na camera a gas stagna …”.
-Brào, propri cosìta.
quando i féva sù el murom …
“E perché no hai butà zo quel mur alora?”
-Eh i voléva bem farlo ma a parte che i soldi i era finidi tuti nei lavori de prima i s’è trovai embroiài, ensoma né fodrài né embastidi, capisit come?
“No, no capìso … spiègheme”.
-Osc’ia védit quele robe che va e vei sul colmo del mùr?
“Sì, el parerìa machine … e gh?è anca quele grosse, parerìa camiom”
-Te ghe vedi ancora bèm anca se te gài i òci empanai … eco, sora el murét i gà fat anca la Lopio-Busa colegada ala galeria dela Val de Leder. E adés chi èlo che ghe dìs a quei de la Busa che bisogna butàr zo tut e tornàr sula vecia stràa dela Maza e de Lopi?
