HO PERS LE CARTE PER NAR A VOTAR

di Cornelio Galas

-Maria, Mariaaa, Mariaaaa…
“‘sa gh’è da gosàr?”
-No trovo pù la carta che serve per nar a votar, ‘cramentooo.
“La sarà dove gh’è le carte del mutuo, de la banca, nel solito mobilèt en sala…”
-Ho zà vardà… no la è lì…
“Strano, le ho semper messe lì le carte per nar a votar”
-Va bem, se vede però che l’ultima volta te le hai messe da n’altra banda…
“Oh, sbàssa le arie neh… che se fussa per ti en sta casa no se troverìa gnanca i soldi demò”
-E ‘sa fénte adès… bisogna nar en comum a rifarle me sa.
“Ah stamatina mi no gò temp de nar for de casa… gò almem do lavatrici da far, da meter su disnar….và ti en comum e domandeghe anca la mia de carta zà che te sei lì”
-Forsi l’è meio che ghe faga en colp de telefono a quei del Comun… i dovrìa esser averti per ste robe no?
“Sì, fa quel che te vòi che entant empienìso la lavatrice”
-Pronto? Comum de Arco?
“Sì, ufficio elettorale, desidera?”
-La varda, la me spósa, com’ela stada come no ela stada, l’ha pers le nosse carte per nar a votar…
“Nessun problema, venga qui da noi che facciamo i duplicati”
-No serve nar dai carabinieri per far denuncia de smariment?
“No, basta che veniate con la carta d’identità… in pochi minuti vi diamo le nuove tessere elettorali”
-Ho capì, ma sicome la me spósa, nessì, la è drio a far le lavatrici, che gh’è stà vendéma e alora gh’è tanti vestiti sporchi, oltra ai calzòti e ensóma no la gà temp de vegnir anca èla en comum… (interrotto dall’impiegata comunale)
“… Sì, scusi, è che non ho molto tempo… comunque può farsi fare una delega dalla moglie e portarmi la sua carta d’identità, nessun problema”.
-Ah alóra basta che vegna zó mi co le carte anca per rifàr la so tessera… che sì ensóma, tra lavar e stender me sa che no la podrìa vegnir anca ela entro ancòi che difati mi ghe l’avevo dit de vardar per tempo se gh’era le carte per votar ma la s’è desmentegada… (interruzione)
“Sì, sì ho capito… la aspetto allora, mi raccomando la delega firmata… e la carta d’identità, arrivederci”
(rivolto alla moglie): -Mariaaa, Mariaaaa…”
“‘Sa vòt ancora, elo serà el Comum?”
-No, no i me speta zó… me serve sol na carta co la to delega e la to carta d’identità…
“Osc’ia… no gò temp ades… scrivela ti entant sta carta de delega… che dopo te la firmo”
(comincia a scrivere): Io Maria Brocola, nata a Vignole (Mariaa, Mariaa quando elo che te sei nata? “Ciàvete”), nata a Vignole il (me pare neh) 20 giuni del quarantazinque, con questa carta delega scrita da me marì facio in modo che lui che si chiama Berto (ma Roberto a l’anagrafe) Giuggiola, potrebbi ciapare anca se non ci sono io le carte per nar a votare ale provinciali di domenega vintuno. Perché abiamo visto che le nostre carte si sono perdute. E io non posso venire lì perché devo lavare e stendere … Bòm, Maria, faghe na firma chi e dopo me basta la to carta d’identità
“Eco… spero la sia finia tutmal che gò ancora da combinar qualcos ancòi en sta casa e l’è za ora de meter su da disnar”
-E la carta de identità?
“Orcodizere… la sarà dove gh’è anca i pasaporti…”
-E ‘n do eì i pasaporti?
“Nel prim casèt del to comodim… me par”
(apre il cassetto del comodino)… -Mariaaa, Mariaaa…
“No ghe la fàgo pùùùùù… che ghè adès?
-Vàrdele chi… vardele chi…
“Cossa?”
-Le carte… le carte per nar a votar cramento…
“Beh… meio così no, adès me pòdit lasar en paze?”
-Sì, però quela putela del Comum… no me la sento de torla en giro… forsi l’è meio che vaga zo lo stess e faga finta de averle perse dalbom ste benedete carte…
“Sàt che te digo? Ma bàsete el cul valà”.

Questa voce è stata pubblicata in Senza categoria. Contrassegna il permalink.