di Cornelio Galas
-Ciao, alora sét contènt nessì che ale tante gavém el nòf governo?
“Sì, dài, ensóma…”.
-Eh ma a ti no te và bem propri gnent alora…
“No, ‘l fàto l’è che gh’è tante robe che no me làssa per la quale…”.
-Tipo?
“Al de là del tiramòla, del prima fago na roba, po’ ne fago n’altra, del prima metém en presóm el pòr Matarèla e po’ ném a zena ensèma… no l’è propri sui ministri che resto en po’ sui dùbi”.
-Varda che l’è tut zent studiàda e lezùa, sent che sà far i conti neh.
“Sì ma no l’è quela so màre…”
-Spiéghete alora.
“Per dìr Lega e Zinque Stéle i ha semper dìt che no i se meterà mai con quei che fa sporchi afari no? Bém, e come mai una dele ministre de cognome la fa Grilo alora?”
-Ma no, la Giulia Grilo no l’è miga parente del Bepe, la l’ha dit tante volte zamài che lo sà anca i sàsi.
“Sarà, ma mi, propri perché no vegna fòra monàe avrìa zernì una co n’altro cognome almèm dài.. Che pò adés quando parla la ministra o parla quel che conta le barzeléte… i dovrà meterghe anca el nome davanti quei dei giornali per no far confusiom ‘cramento. ‘n po’ come el nos Ugo Rósi, capo su en Provinza, se te scrivi Rósi ha detto, do ponti: podrìa essser quel che core en moto, quel che zugheva al balom, n’altro che fa rider la zent sul palco…sat quanti Ròsi (ma anca bianchi) gh’è ‘n Italia?”
-Va bem, ma no gavrài miga el mùs sol per sta monada chi spero…
“No, gh’è altre robe che no me convinze.Per esèmpi: tira buta e mola ala fim quel Savona che no ghe stéva bèm al minietsreo de l’economia i l’ha mes ai afari europei… ma se te gavévi paura che sto chi el ne butés for dai euri… adeès l’è come averghe dat el mél a l’orso… E po’ al so posto i n’ha més trèi adiritura, Tria”.
-Osc’ia ma vara che ‘l se ciàma propri così, Tria… l’è um sol.
“Dai dai che i ha fat ministro un con do cognomi ai esteri, Moavero Milanesi, così quando el và ‘n su el dropa el secont cognome, quando ‘l va en zo el dropa el prim…”.
-Te me pàri mat…
“No no, caro e te ne spiego n’altra de gàbola. Ala Difesa Trenta e ale robe dei contadini Centinaio. Ma alora disélo che volè taiar fora i costi de noi alpini, diaolporco…”.
-Per mi te fai sol casim coi nomi de sti pori ministri che ades i dovrà galopàr per mantegnir tut quel che i ha promés…
“Sarà tut mal anca quel Fraccaro che i dìs che l’è trentim ma ‘l vèi da Montebeluna…”
-‘sa t’àl fàt el Ricardo?
“No, digo, se t’hai candidà en Trentim e i te fà ministro… almem fate meter a l’autonomia ai afari dele regiom…porta su soldi enveze che star lì a ciacerar en parlamento… ensoma me sà che anca el Fraccaro prima o dopo ‘l ne la …fràca. Te sai ‘n dove no?”
-Dai che te verài che i sbassa le tasse…
“Te dìsi? Secondo mi te vedrài che prima de sbasàr le tàsse i aumenta l’Iva…Così restém coi istéssi soldi en mam… ciao valà che vago a brevàr l’ort. Ma hat vist, da quando è mà su el nof governo no ‘l pù gnanca quele do gòze… così no te pòi pu gnanca dir governo ladro. Al massimo, forsi, vafanculo…de zert però miga a quei dei zinque stele… se no magari i te querela”.
