EL PARADIS ‘N TERA

TEI, EL PARADIS L’E’  ‘N TERA

di Cornelio Galas

Te zérchi, te sgàrbi, te sogni, t’el ciàpi ‘n t’el cul,

te vardi de chì, de là, de sora, ‘n banda, dapertut,

te lèzi, te scrivi, te vardi la televisiom, tut quant.

Ma cossa elo che te vòi, diaolporco, demò?

‘sa zérchit, cossa elo po’ che te voi sì tant?

“Vòi star ben e basta, me basta quel”, te dìsi.

Ma- te domando, neh – basterìa sol quel?

“En sto mondo – te rispondi – quel conta,

se sa, se sa, conta pù la pònta che le bale”.

Varda – ghe digo – che quela l’è na barzelèta,

che se dìs en compagnia, giust per far rider.

“No – el bèga squasi – l’è quela la verità,

meio far envidia che pietà, dai, tuti i lo sa”.

E se te disés, enveze, che no l’è propri cosita?

E se te spieghés che tut l’è viceserva?

“Làsseme star, el so che ti te sei lezù, studià,

làsseme star, che tanto no sèn gualìvi …”.

Ma vàrdete ‘ntorno, demò, vàrda, vàrda …

dime ‘sa te vedi, dime cossa che gh’è …

“No stà tòrme ‘m giro, te prego, no veh,

‘sa vedo? ‘n casin, en casin, en casin …

dove tuti i parla, i scrive, i pensa de esser

quei che de colp cambia tut, cambia el mondo.

Po’ mi la sera me trovo, semper da per mi,

davanti a quel spegio che no dìs mai bosìe.

E quela, quel, son. No gh’è zeròti che tegna”.

Ala fin, ala fin, propri ala fin de la fin de tut,

no resta che quel che sen stai, no quel che sen.

Resta i ricordi, quei dìti a l’òbit, quei scriti

subit dopo, o subit prima, che i te méta zo.

“Ma gh’è qualcos ne l’aria, che no costa gnent,

gh’è qualcos che basta averzer la boca, ‘l nàs.

Te la respìri st’aria, la te vèi denter …

te poi ciapàrla tuta opur spargnarla,

te poi far finta de gnent o mandar tuti a …

te poi anca pensar che sia na gran monada,

Ma, ma … se te te pensi, se sol te penséssi,

che chi, propri chi, su ‘sta tera maledeta,

gh’è, ensema, inferno, purgatori e paradìs …

ah, alora, lassa perder dal bon le to cros.

Questo, propri questo, l’è ‘l to paradìs …

‘sta sol atento che per en pòm morsegà,

magari ‘n tant che te no te eri su la tua,

no i t’abia mandà via, senza dirte gnent.