El marlòss de l’anima
di Cornelio Galas
No, no, caro mio, no dìgo monàe,
el gavém tuti adós que l’agiégio:
sòl che magari, anca mì neh …
se sé desméntega ‘n dove l’è.
Soratùt, crédeme, pòl capitar
che anca se t’el trovéssi
po’ te manca de colp la ciàve
per davèrzer quel che è serà.
Pù fàzile, se sa bem come l’è,
seràr quel che s’aveva avèrt.
Perché l’è cosìta che la va,
su sta tèra zamai malméssa:
se se scòrze quando l’è tardi,
quando i bòi demò i è nài
cossa dalbòm de pù piaséva.
E no l’era, ah averlo savù …
quel che sluséva de pù al stròf.
E no l’era, i ne l’avés dìt …
quel che se tegnìva scondù.
No va su grandi enteréssi,
a tegnir sti capitài stréti.
Te par, sì te par, col to marlòss
de averghe tut sot ocio …
Basta, voltarse, en pél de pù
e lu el torna, sì ‘l va endrìo,
propri da dove l’era vegnù.
Lassa star alora, lassa star
Fin che te gài ancora temp.
Zerca de viver e de regalar
pu che far, brigar, ‘nciavàr.
OMENI SIORI, OMENI PORETI
di Gilberto Galvagni
Omeni lustri…
che vive.
Entorno altri Omeni
strussiai su sgrèbeni de vita.
Omeni sordi… che ride.
Entorno altri Omeni
scantonài, sbrugnài,
come ‘n rodolar de bandolòti
a peade ciapai.
( Omeni siori, Omeni poreti )
I diss che la dignità de un
dignità de l’altro.
I diss che ‘l sèrvo no
l’è da men del parom…
Noo!!
No credo sia così!
En de sta società
e n do ghè tante luci
(e drio ghè scur)
en do ghè abondanza (e drio ghè fam)
no l’è mai sta che ‘n garzom
el sia pa ri de ‘n parom.
Enfati l’ un l’è n’Om poreto
(per mi l’è ‘n sior)
l’altro l’è n’om sior
(per mi l’è lù ‘l poreto)
ciapà a far su soldi,
a strucàr la vita stessa
come tut fussa
‘n limom!!
Arco, 2 febbraio 1988.
