EL MAL DE VIVER

di Cornelio Galas

I ghe ciàma depresión,

come se te vegnìs de mén

qualcòs che te schìza la testa.

Envéze l’è propri el contràri:

te sènti na préa gròssa de sòra

squàsi zamài en torcèl

che se strénze, da bànda a bànda

e ‘n mèz gh’è el to zervèl.

No t’enterèssa pù gnent,

no te ciàpa pu gnent,

te slarghi i bràzi e te dìsi:

ma che i se ciàva tuti valà.

La pòl capitarghe a tuti, a tuti

sta situazion sfigàda.

Magàri propri nel momént

che te par de averghe tut,

che no te manca propri gnènt.

Se te vai dal dotòr ‘l te dà pìrole,

se te te tegni sol da per tì

quel che te fa star mal dénter,

se te zerchi de rangiarte …

la narà semper pèzo.

Oscia, l’è come viver da morti,

anca se de solit, l’è viceserva:

se dovrìa morìr da vivi.

L’è come no avèrghe pù voia

de pensar a quel che suzederà,

star lì, encoconài, embriàghi

anca se no s’ha bevù.

L’è come dir na roba …

dirla n’altra volta,

prométerse de farla …

e subit dopo lassàrla pèrder.          

L’è come avérghe voia de aria,

de sol, de corrèr, de amor

e stofegàrse, star a l’ombra,

no mòver pè e … e odiàr,

sì odiàr tut e tuti

e anca odiarse: per cossa?

Boh, e chi elo che lo sa?

Guarìr da sta bruta malatia?

Sì che se pòl. Ma prima però,

bisogn capìr che s’è malài.

No ghe c’entra gnent e nesùni

en sto star mal dì e nòt.

Ma tut e tùti i pol darte na màn:

semper se t’el vòi …