EL GUINDOL

No l’è ‘n paze e gnanca còmot

Soratùt se l’è nel mucio

ghe sbrùsa el cul

e anca la lengua

se tuti ‘entorno i dìs

dai vei chi valà

che va bèm così

Zà, perchè a lu no ghe piàs

demò gnent propri de tut

e de tuti lì arènt e denòr

E che no vegna fora

(par che ‘l diga)

che sòn na pègora

come voialtri

‘ntant a quel vizìn

el parla mal

de quel davanti:

“Che l’è en ladro,

l’ha molà la sposa

e po’ en ciesa

no ‘l s’endinocia”

Po’ ‘l cambia carega

e a quel davanti

el parla mal

de quel de drio

“Ma sat che ‘l dis

che te sei en ladro?

Che t’hai molà

anca la sposa?

Depù, el dis anca

che te gai polver

soto i dinoci

quando te vai ‘n cièsa”

Se gh’è da parlar no l’alza la man

El parla sol dopo tuti quanti

Per dir, squasi semper

le stesse robe:

“Ma ve par giust che tanta zent

La parla mal de tut e de tuti?

Votème mi, dème fiducia

che fàgo , tàso e no brigo

e po’ stàgo semper

su le mie … e penso sol

al ben dei altri”