EL FUNERAL

Te sei zamài zo, soto tera
De sòra? Na fila de ghirlande
I neòi, i amìzi, la spòsa e i fioi,
quei del circolo pensionai,
el remo, el berto e ‘l giani.
El prete, davanti a la bara
che parla sol ben de ti,
anca se tuti i savèva
che t’eri en roticoioni.
Dai, dai, dème na man
– dìs quel dei funerài –
me servirìa almen quatro
che se carga la bara su le spale.
Fòra dala cièsa, finì l’è l’òbit
se va vers el zimitèri …
“Io credo: risorgerò, questo mio
corpo vedrà il Salvatore …”
Lamadona, me digo,
bisogna propri far star mal così
quei che zà stà mal de suo?
El va l’òbit, el va …
Adès, quei co le corde
i mete zò tut, soto tera,
po i le tira su … che quele
se deve droparle n’altra volta
el rest el farà la so fin …
Tra en gringhenàr de gerìn
e na gran voia de ghebàr
rivèm dove no gh’è pù
quei ziprèssi …
Ne vardèn en facia, tuti
e senza dirlo, scometèn
su quel che prèst …
compagnerèm chi.
Mi? Ah no, adès no neh,
che gh’ò ancor tante
robe da far.
E po’ cos’onte fat, dime
per nar via prima de ti?