EL DISNAR DE NADAL

EL DISNAR DE NADAL
Dai dai che l’è zamài le òndese. Nar che nare co quel ‘ròsto. Miscia oscia, miscia che se no se tàca zò tut. No…no stà dirme che te te sei desmentegà de meter su ‘l brodo. E ti, enveze che pindolàr co le cufie ne le recie … se te parecièssi la taola no sarìa meio?
Digo: ma se pòl envidàr vinti parenti e trovarse a ‘ sti passi? Oh, hat tirà fòra el salmòn dal frigo? Madona, l’è ancora engiazà…metel sora la padela de la pasta che entant el s’entepedìs… El pam, el pam, el paaaam….diaolporco.
Dai che stà mal meter do ciopète su la tovaia … almèn en zestèl…en mantìm soto, meio se co le stèle colorae. E che vim hat tot? Ma no, ma no, la sciàva … ho capì t’hai comprà la tanica da dese litri…ma che fènte, metèm la tanica en taola co l’orèl per stravasar?
E va de là a darghe na mam a to sorela che zamai l’è da stamatina che la prova a montàr la ciara d’of per far el tiramisù…e i savoiardi? Vot far el tiramisù coi biscoti sechi?
No ghe sen, no ghe sen… l’è ani ch’el digo: pu bel che nar fora a magnar e che ognun se paga el so? Che cosita la cosina la resta nèta per san stefèn…dai dai che i ariva, scantabauchi oscia, nar che ne nare.
Ma vara che quei cortei lì i va bem per taiàr el buro no per el filèt …tut mi devo dirve….ciavève.
Questa voce è stata pubblicata in
Senza categoria. Contrassegna il
permalink.