DE DOMENEGA

di Cornelio Galas

L’arìva, l’arìva, come se l’arìva,
dopo ‘l luni, ‘l màrti,
‘l mèrcol e la zòbia,
dopo ‘l vèndro, ‘l sàbo.
L’arìva, l’arìva la doménega,
e dopo arìva el lùni …
se ritàca via, quela vita
come se la fùssa taiàda
a tochetìni.
Sète tochéti per na stimàna.
Na trentina per en mès,
trezentosesantazinque
e è demò finì anca n’àn.
L’arìva, l’arìva la doménega.
Che te par no la vègna pù,
che te par la sia massa corta,
che te par no la finìssa pù
se ‘l luni te gài qualcós da far
che t’empienìs ‘l zervèl
zà quando vèi dopodisnar,
de doménega, se sa.
L’arìva, l’arìva e anca la và,
come quei amìzi
che stà semper su le ùcie,
che i gà prèssa de nar via,
che sì valà, ma sol na sciànta
che se bèvo de pù
ghe zonto la patente.
L’arìva, l’arìva, semper l’arìva,
anca se no te voleréssi.
L’è ‘l dì che pò séra la porta
e la n’avèrze subit n’altra.
Che la porta ala fin
a n’altra doménega,
che la porta a que l’altra,
a que l’altra ancora …
El và el temp, ogni dì col so nome,
de dì en dì, de stimàna en stimàna,
de doménega en doménega,
de més en mes, de an en an.
Ma dai, dai no sta dirme,
el Virginio? Quand’èlo mort?
Ah, pòr om, doménega sera,
che propri lùni, pensa tì,
el n’avrìa fat setànta giusti.