Ciao Rosarita
Piam piam i và, i và via, via …
Dove? No savrìa propri dir,
tuti i amìzi, òmeni e dòne,
tute le anime pù bele
che, vivendo, se pòl ‘ncontràr.
De còlp te vedi le foto sul fòi,
o tacàde su quei muréti
che parla sol de funerài.
E te par che no sia véra …
anca se ‘n dì la te tocherà.
Gnanca tì, cara Rosarita,
gnanca tì te ghe credévi,
quela volta che t’ho abrazà
poch dopo che la to Silvia
l’era morta en quela galeria.
T’hai brigà, po’, fin a l’ultim,
perché tante altre mame
no le dovès pianzer i fioi.
T’hai movù laghi e monti,
col to nèrvo, anca gosàndo.
No, nó savrìa dirte, adés,
se propri i t’ha contentà.
Ero content quando te ridevi
de le me monàe su Fèsbuch.
No, ancoi no son en vena,
e po’ no te poi risponder.
Me sarìa piasù tant, crédeme,
vederte ancora rider,
ma te sei nada via en préssa
forsi per no dar fastìdi a nesùn.
En qualsiasi posto te sei finida,
polsa adès, e strénzi la Silvia.
E se te poi neh, màndene zo
qualche bela zigàda de le tue,
en modo che ne sveiénte
da sta poca voia de far ben,
quela passiom che envéze a ti,
no l’è propri mai mancàda.
el Cornelio
quel che lavoréva soto to cà
en viale Dante a Riva
