Veci zéli
di Cornelio Galas
Prova a pensarghe su, dal bom:
l’aria che te buti nei polmoni
da dove vegnela se non dal zél?
E quando gh’è ‘l vent càmbiela?
Se sa che ‘l mondo l’è ‘n pirlo
che ogni dì el gira su de lù…
e con lu se gira anca st’aria
l’istésa de quela de altre bande.
Te vèi da sóra, pénseghe su dai,
quel che ‘l zél l’ha zamai ciapà
che ‘n sàt? Magari dal Giapone,
aria che s’è miscià po’ a altre.
E alora te vivi, come zent lontana
che ala fim arfia co la to tóss,
con quel che te buti for de bóca
dopo aver respirà quel vecio zél.
Sem tuti chi, en d’en zirotondo,
neri, giali, bianchi e méz e méz.
Vardém su alt, le nùgole che gira
no capim che sem per quel gualivi.
Che tut va envanti sol per st’aria
che se la manchés saréssem morti,
Ma dime ti, gnanca fussa petrolio,
beghém per robe che a gnent serve.
Envéze, magari senza saverlo neh…
enveleném propri le nòsse bombole
po’ ne la tolém col vent che no ghè
po’ disém che l’auto l’è engolfàda.
Ah, saverlo per temp, quando conta
che no l’è così che se pol viver.
Ah, saverlo subit, prima dela fim
che se podrìa star meio tuti quanti.
