VARDAR EL SOL …

di Cornelio Galas

Sarìa pu fàzile, sarìa pu bel,
no stàr lì, da embezìle …
a pensar a quel che è stà,
a come la sarìa nàda.

No ghe sarìa magóni,
no ghe sarìa stremìe,
no ghe sarìa gnanca mì,
e quel che gh’era drìo.

Sarìa forsi ‘n mondo …
che te ricorda ogni tant,
e che dopo tanti ani
dai … se se desméntega.

No l’è colpa de nesùni
se tut va envanti svelto,
se a forza de córer …
se se pòlsa pòch.

I dìs che da morti … da morti
l’è come dormìr per semper,
che na volta soto tera,
se stà come soto le cuèrte.

E no te pensi pù a gnènt,
e no gh’è gnent da far,
gnent che faga star mal,
gnent che te te ricordi.

Finìr en de la zéndro …
 che se sfànta nel vent,
finìr magnai dai vermi,
denter na cassa de legn.

Mejo forse viver, viver
almém fin che se pòl,
mejo viver, viver,
sol per vardàr el sól.