Cópeme

di Cornelio Galas

No, làssa perder la to ruspa,
smòrzela, te spàrmi gasolio.
A cossa te serve schizàrme?
Tanto te sei ti ‘l pà forte, se sa,
sol ti te sai tut, e te sei nel giust.
Làsseme perder, mòleme,
giuro che no ‘l digo a nesuni
che te volevi coparme.
Ma se propri te devi, fàlo …
dai, fàlo, demò, ‘n prèssa,
che no cambia magari idea.
Cópeme, come ‘n porzèl,
che dopo deventa lugàneghe.
Còpeme, come fussa gnent,
no un nàt da n’om e na dona,
propri, propri … come ti.
Come ‘n bocia, cresù, pian pian,
co le so voie, coi so casini.
Cópeme, dai, i t’ha pagà …
i t’ha pagà per far ste robe.
Che no sia mai dìt, nevéra,
che sol Dio el fà el to destìn.
No, anca i omeni i pol copàr,
anzi, de pu, i pol copàrse,
per nar en d’en buròn scùr,
dove no se sa dove se finìs.
Cópeme, alora, che la sia finìa,
no stà pensarghe su massa.
Tra poch, dal zèl, varderà zó
e sì, sì, te me farài tant pecà.