TRENTINI ‘N PURGATORI – 4

di Cornelio Galas

“L’è tut …na comedia”

Quarto tòch: Giovani dele Piàte, la spia dele strìe de Cavalés

Gh’era ‘n fónt a quela val stréta
che paréva davéra no la finìs pù
‘n ciàs de aqua, come da cascadèla
ma vègnìvela ‘n zó o névela ‘n sù?

Osc’ia, a vardar bèm, l’avém capì
l’era tompésta che no se sbrochéva
la féva per vegnìr,po’ paréva de no
en tira e mola che fastìdi te déva.

San Romèdi, pù studià zu zerte ròbe
l’ha tacà via a spiegarme tut l’arcàm
“Ne l’am zinquezento, su per Cavalès
era vegnù zò aqua, sàsi, anca legnàm.

Sol che qualchedùm, no se sa come
l’aveva zà dit e disente per temp
che sarìa capità quela disgrazia
che tanti dani l’avrìa fàt ‘l vent.

Vàrdelo là, soto tuti quei ghirli
quel che s’ha més en sti gazèri …
adès l’è lù ‘n mèz a quele nugole
che prométe, ma no fa cascàr péri.

El porét se ciàma Giovani dele Piàte
per poch no l’è finì anca lu brusà
L’ha fàt la spia e mandà sul fòch
le done che per scampar l’ha dropà”.

“No, no l’è vera – se sente na vóze –
l’è stà tut colpa dela Inquisizióm,
mi mai ho dìt che quéle l’era strìe
dale me parole è vegnù gran confusiom.

Ve la conto mì la me storia pù vera
scoltéme bèm che no m’è restà ‘l fià
l’è da sècoi e sècoi che mi ‘l gòso:
no ho fat quel che i ha zó denunzià.

Da mi vegniva zent che stéva tant mal
perché medizine, brodi e alter févo
anca consìli per ennamoràr le done
anca quei per ciapàr pù soldi dévo.

En dì, vardando el capèl dei me monti
ho capì che stéva per vegnìr da piover
l’ho dit en giro, ah se serévo la bòca
ma al temp no pensévo sì mal de gòver.

L’è stà alora che i m’ha ciapà en banda
d’esser ‘n stregóm subit i m’ha condanà
e via da Cavalés ho dovù demò scampar
per tuti ero sol en brut om endemonià.

Sol che na volta restà sol for de vàl
m’è vegnù entorno na sòrt de destràni
no ghe la fèvo pù, lontam dal me paés
a star per me cont per no averghe dàni.

Ma come ho més pè fòr da quela foresta
som stà brincà e portà drit al castèl
Stavolta no i avrìa serà l’altero ocio
de mi sarìa restà a far tant el capèl.

Prima i me n’ha fat de tuti i colori
che ancora sento mal sol a racontàr…
po’ i l’ha dit: varda che no l’è finìa
e via de nòf, come prima, per torturar.

Ero zamài pù al de là che da ‘l de chi
quando i ha molà tuti quei bruti arnesi
e alora gò dit tut, pù bosìe che verità
pur che i me tirésa via tuti quei pesi.

Gò contà dele storie che no stéva ‘n pè
e tante altre che podéva esser sol bàle
Anca i nomi de done che avevo conossù
al rest l’è stà lori a meterghe le àle.

Gh’era de tut en quel che gavévo contà
strìe, maledizióm, diàoi co le putàne
e dent anca quele maridàe col Belzebù
en méz a tanti bìssi, cavroni, pantegane.

I l’ha ciapàe ste pore done del Trentim
e i gà taià a tute i so bei longhi cavèi
I l’ha ligàe senza gnent lasarghe endós
per trovar ‘l bòl, anca se l’era dei nèi.

Ala fìm i l’ha brusàe en mèz ala piàza
e quei so zìghi sento ancor ne le rècie
A mi entant i m’ha mès fòr ala gogna
“Bruserèm prest anca ti come le vecie”.

Tremévo tut come na foia, lì nut al frét
e zà me vedevo brusar tacà a quel pàl
Pensevo ai pecài, fati da scorldandóm
e me vegnìva de denter semper de pu màl.

L’è stà forsi per aver dit ‘n paternoster
che en quel moment en sior da lì è pasà
“Cosa volé farghe dalbom al me Giovani
con mi mal a Cles no ‘l se mai comportà”.

No so se dopo quel ‘l gà slongà dei soldi
ma demò el fòch i s’è mési a smorzar …
Salva la pel, ho dovù nar via e che nare
de zert a Cavalés l’era meio mai pu tornàr.

Chi ‘n Purgatori ades me trovo ‘mpiantà
e dal Paradìs sento i zighi de quele done
No l’è m’ha mai perdonà quele so condane
chi devo star, mìz, soto tute ‘ste crone.

E chi spèto la tompesta che deve vegnir
ma che ale tante no la se sbròca zamài
perché som stà mi, co le me previsióm
e far del mal, a trovar quel dal formài”.