TRENTINI ‘N PURGATORI

di Cornelio Galas

Adés ve spiego, ‘n poche parole
quel che se trova dopo i danài …
en quela vàl tra i fòghi e ‘l zél
‘n dove no sé nè santi nè sfigài.

En posto strano, for dai somenài
dove ghé quei che mai t’avrési …
òmeni, dòne, anca qualche matelòt
de zert no se se gràta coi pulési.

Se và su ‘n costa, no se fa fadìga
no gh’è pù diàoi e gnanca fòghéti
nesùni che per gnent róte le bale
basta che ti no te róti i cosidéti.

Per dirla tuta, no la tègno longa
par squasi de nàr ‘n d’en ospedàl
dove tuti quanti i sté trà drìo
ma mai i pensa de farte del màl.

Te séi tra l’inferno e ‘l Paradìs
tra bruti, storti e beati e santi
tra quei che ‘n tèra i ha pecà
e quei che ‘nvéze è nai envanti.

Zènt che se trova propri nel mèz
de là ‘l mal e de chi el benòm
no i è mai riusidi a far qualcòs
che fussa pù ‘n sù del so nasóm.

Omeni, done, putèi e anca putelòti
tuti ciapài da le so tante storie
quei che penséva che finìs tùt …
quei che gavéva en testa sol bòrie.

“I è tuti chi – me dis San Romèdi –
basta sol far quei pochi scalini,
te prego Cornelio, calma e gèss
no sta tirarme fòra i tó casini.

No sém pù de soto, tra disgraziài
chì gh’è anca quei che ha patì …
sì i ha sbaglià, ma i va compatìdi
de zert no i voléva finìr chì.

L’è quei che penséva de no far mal
quei che qualcùm ha tot per le bale
tra quest e quel i ha capì mal …
e i è finìdi chi, senza pù le ale.

Troveré òmeni e done che gnànca …
che mai gnànca podéve enmaginàr
anime sante restàde senza aurèola
che Sàm Péro endrìo l’ha fat nàr.

Ghe sarà per voi anca le sorprése
“ah de quel no propri no la spetévo”
se sà però come la và a sto mondo
Colpa de chìe? No, ma ‘l sperévo.

Ala fim l’è meio, far tutmal tut
quel che te ghe credi, propri tì
che così te sbagli, ma sol dalbòm
senza dover dar colpe a lù, a mì.