Ma ti chi vòtit st’autùm en Trentim?

di Cornelio Galas

-Ciao Cornelio, tuti bèm, tuti for dal lèt?
“Ma sì, dai, la podrìa anca nàr meio neh…”
-Elamadòna, te sei en pensióm, te gài na bela spósa che te stà drio, na casa tóa, no sta dirme che te te la pàssi mal dai…
“Sì, ma no l’è quela so màre…”.
-E chi ela alora so màre?
“L’è che me pàr che chi en Trentìm e pèzo ancora en Itaglia no sèm pù né fodrài né embastidi, cramento”.
-Ho capì, stamatina te gài l’anda zamai de parlar de politica…
“Ma no, no, l’è che me par che ghe sìa ‘n casìm chi dalle nosse bande che basta la metà…”.
-Spiéghete, osc’ia. Tuti boni a spuàr sui polìtizi… che pò magari i và a votar de nòf.
“Eco, l’è propri questo el concièto… va a finir che se dovrà nar a votar co na moiéta sul nàs…come diséva el por Montaneli…”


-Perché?
“Ma dai, àt vist i nomi che gira? El Bròcoli che a so temp l’era stà nominà dal Flàm (el Picoli) come so delfim… e gh’ero sat quela volta al casinò de Arco. E po’ el Molinari che ‘l pensa de molar le coperatìve per rimeterse en zògh… e quel Geremia Jons, quel che na volta el féva l’ator ne i predatori de l’arca persa, ma dai…”.
-Ho capì, te voti anca ti la Lega…
“Ma gnanca questa l’è so mare, dai. L’è che noi, a diferenza dei todeschi de’n sù, no me par che ghe la fém a meterne a um… le zìviche col Valduga (che a proposit, no fàl el dotor? No gàl da operar envéze che nar en giro per zercar voti?), liste nove che no se sa gnanca de chi le è, po’ quei che sicome no i sa pu cossa che l’è (parlo del Pd) i dìs: dai fénteghe far n’altro giro al Rossi valà… te me capìssi bèm…”.
-Scusa neh, ma ti chi vótit st’autum alora?
“Ah savérlo… te dirò che me piaserìa che vegnìs fòra um che ‘l disés: “Mandéme al tal indirizo tuti i problemi che gavé. Giuro che almem ai primi zinquezento de quei che domanda le istésse robe ghe manderò el me santìm…con su scrit: ghe penso mi”.
-Sì dai, l’è quel che fa tuti da ani zamài…
“Va bèm, però, scólteme mi, almém se partirìa da qualcos de vera. No dai soliti programi che dìs tut e gnent”.


-Eh, te la fai comoda ti, varda che l’è semper cosita en politica. Ti dàme el voto entànt… che pò vedém cossa podém far.
“Sì, te gài resóm per quél, ma, digo, no sèitei a dir che bisogna esser co la zent, con quel che la domanda…”.
-Ma alora tòte la tessera de ‘n partito, va denter e dì la tua no?
“Ma perché devo nàr mi da lóri? Che i vegna a zercàrme no, se i vol che ghe diga come la penso… no som mai nà gnanca ale riuniom del condomini, figurarse se vago de sera, dopo zena, a roterme le bale en quele sale dove no se pol gnanca fumar…”
-Eco, l’è propri da zent come ti, che no gà pu vòia de nar a dir la sóa, che se scominzia a far nar a petào tut quant.


“Ah, adés sarìa colpa mia se vinze la Lega e i zinque stéle? Bravo. Te sei propri n’amico sat… vòl dir che tut quel che ho scrit, fat en squasi quarant’ani l’è monàe neh?”
-No me permeterìa mai de dirlo… però te me pari squasi rasegnà, mòl…
“Sat che te digo? Col Viagra el me deventa dur ancora. Tut mal se no se svéia i zoveni me sa che fém tuti na bruta fim”.
-No me par che se parla de zoveni per le prosime eleziom en Trentim…
“Eco, eco. Forsi l’è meio che mi e ti, veci trombóni, nénte drio a l’ort… e ghe lasénte el posto a quei che no pensa a come la néva na volta, a quei che zamài l’è meio che i parla per so cont… a proposit, at vist che ‘l circolo pensionati l’organiza na gita a Bedolpiam? I fà l’asado… dirìa che ‘l se fà zacar anca se gavém la dentiera no?

Questa voce è stata pubblicata in Senza categoria. Contrassegna il permalink.