SOM GIUST TORNÀ DAL DE LÀ

Som giust tornà dal de là

di Cornelio Galas

Per la verità i m’ha dit i capi de sora, savé a chi me riferìso neh, de no dir gnent de gnent. Propri gnent via zero. L’è che ala fim anca lì l’è tut questióm de esclusive Tv. El canale PE (padre eterno) en pratica el le gà tute. Anca nei pianeti che noi gnancora conossém. Per dir: “La Giazèra” de Allah la pol trasmeter sol dopo i atentati. Nè prima de entant che i suzéde. La televisiom de Manitù la pòl far veder sol cine dove vinze i indiani. Quela de Budda enveze la s’è specializàda en programi dove i t’ensegna come engrasàr bem e darghe contro a la noressìa.Capì come?

Tut mal per quel poch che podo dirve de quel che ho vist de là, anca lì i me par né enfodrài né embastidi. Per dir: l’alter dì i era lì che i vardéva la Rai, quando i ha fat veder el papa che ‘l parleva coi stronauti no… bem… quante che i ghe nà dit drio al Francesco… “Ma cossa parlit con quei pori enfagotài lì… te l’avem spiegà tante volte che el mondo, el sol, la luna l’è de fato en sghit a confront con tut el rest.

E te perdìt via coi piòci? Ma lassa che i staga su, che i pensa de pesar de mem che ‘n tera… tanto no vegn for gnent. Anca i trovés l’oro su Marte i spenderìa de pù a portarlo de volta, su la Tera, che a lassarlo lì. Tanto t’hai bem vist no, i è nai su la luna a so temp. Gh’ei pù tornai? Ghe sarà el so perchè…

Po’ um dei tanti santi che gh’è su (e che no fa gnent en tut el dì neh… altro che miracoi) el m’ha dit: “Scolta, sét ‘taliàm ti?” – Sì, gò dit, vegno dal Trentim. “Ah alora en zerco n’altro pu taliam che voi me paré mèz e mez coi todeschi…scusa neh”. Capì?

A ogni modo parlando del pu e del mem (pù del mem) Dio (propri lu, col so ocio nel triangol neh) el m’ha tirà en banda. “Senti popo – el m’ha dit – so che t’hai fat el giornalista, no te narài miga zo a dirghe che chi ariva tuti i soldi dei morti… “. -Osc’ia – gò rispondù – ma no se dis da temp che la bara no la gà scarsèle….

“L’è vera – m’ha rispost Dio – ma se i vèi su da noi i deve far come i Faraoni neh… quei si che l’era bela zent. No te volerài miga magnar e dormir per na pipa de tabach en Paradis… varda che da quando gavè rot le bale al Marzinkus gnanca noi stem propri bem come na volta….”.

E alora, pasà el smariment, gò domandà: “Perché quant vegnirésela chi na meza pensiom?”. Dio l’ha slargà i brazi: “En tot, e tut mal se sa, tuti i santi i aiuta… moment, co la so perzentuale sul mutuo se sa”. -Ma el me scusa – gò dit – e quei en Purgatori, quei a l’Inferno? “Ah quei – m’ha dit Dio – l’è propri quei che no gavéva da pagar chi en Paradis.

I è zo de soto, ensema ai comunisti, quei che diseva che ere tuti gualivi… ma entant tanti propri de quei i ha mes via i soldi per vegnir da noi”. -Ma dai, no ghe credo… “Enveze l’è cosita. Ma no sta contar ste robe a quei de la Tera quando te torni zo, te prego. Lassa che i zuga co la lege eletorale da le to bande. Che ala fim chì i ariva tuti. E se no i ghe nà… te sai ades che fim che i farà”.

Questa voce è stata pubblicata in Senza categoria. Contrassegna il permalink.

Lascia un commento