MA STI CUCHI EI PROPRI COSI’ CUCHI?

di Cornelio Galas

Vivén squasi tuti, zamài, davanti ala television. Quela dela cosìna entant che se magna, quela del salòto quando sen sdravacài sul canapè, quela picola del telefonin o del fòn dela “I” (na marca de agégi per sugarse i cavei entant che te vardi la television). E no l’è finìa. Gh’è anca i tabièi a forma de television. E po’ i compiuter. Quei che se pol portarse drio, quei che envéze i pésa massa e po’ no ghe stà nela borsa.
A forza de star davanti a ste television gh’è ‘l ris’cio de farse tòr en giro da quei che ha fàt a so temp le Iti e che de ste machinéte i ne sà pu de ti. Per esempi, l’alter dì ho ciapà en me vecio amico (che ale Iti l’ha fat el ripetente e quindi l’ha emparà pù dei altri a forza de sentir le stesse robe per ani e ani …), disévo ho ciamà sto amico per domandarghe come mai bisogna meter sui siti del compiuter che se gà i cuki e compagnia bela. E lù l’ha tacà via a parlarme en inglés … l’ho fermà subit. “Parla come te magni”, gò dit. E lù: cìsburgher. M’è cascà i brazi e l’ho lassà parlar. “Perché – el m’ha dit – co le nòve legi sula pràivasi te devi meter denter el to sito che te gài anca sti cuki e che dopo …”.

No ghe la févo pù: “Scusa – gò dit – ma sti cuki chi èlo? Zent embranada che m’è finì per sbài nel compiuter: ma èi sì picoi oltra a esser embezìli? E tut mal, èi cuchi de suo o ei deventài cuchi drio man? E ancora, no l’è envéze che i sia vegnui denter la television del me compiuter per cucàr quel che fàgo, perché alora sì che se i ciàpo ghe dàgo na remenada che i se la ricorda”.
No so perché ma ‘l me amico a sto punto l’ha slargà i bràzi e po’ el s’è mes le man tra i cavéi. E alora gò dit: “Vist che te me dài resón? Anca ti no te sai cossa che l’è sti cuchi. Anca ti no te gh’envegni fora. T’hai fat le Iti per gnent, scusa se t’el digo … “.