Quel tavolìm a l’avèrta

di Cornelio Galas

Fòr da la pizerìa, n’atimo, per fumar,
e toh, còssa me vèi demò ‘n mént,
a veder quel tavolìm a l’avèrta …
Che l’è propri l’istéss, l’istéss
de quela volta, de sera, quela volta.

Co na dòna, sì pròpri con quela dòna …
che la m’avéva, da temp, robà ‘l còr,
e mi che no ‘l volèvo pù de volta,
e mi che gavrì dàt anca tut el rest,
e mi che no vedevo dal bom la diferenza
tra ela, le stéle, la luna e … ‘l Paradìs.

Erem giùst su quel tavolìm lì, quel lì,
denòr al scartabèl dei gelati …
mì pèrs nei so òci, senza pu trovarme,
èla forsi coi penséri a noi, ma altre volte.
Disévo tut, trane quel che pensévo,
févo de tut, trane quel che avrìa fàt.

Sì, erem propri su quel tavolìm lì,
riparà dal vent coi stessi panèi …
E fumévem, come fumo anca adès,
propri i stessi zigaréti …
Avrìa volù ‘nciodàr orolòi e calendàri,
perché no finìss pù quel moment.

“Ma cossa gàt che par t’abi pianzù?”
-Ah gnènt, fòrsi l’è el vent, frèt de fòra,
qualcòs che m’è restà sul stómech …
oh, no savrìa el perché de sto slagrimar.
Nàndo fòra, de nòf, ho sbassà i oci,
per no veder quel tavolìm a l’avèrta.