di Cornelio Galas

L’è, ‘n fónt, sol quatro muri veci,
sistemài pu che alter dal pitór,
porte nove, tapéi e zòghi dei bòci,
tut mal chi som nàt, o chi denór.

L’era zamai en mèz a l’alter sècol,
óndese ani dopo la seconda guèra,
se scominziéva a dropàr ‘l fócol
a aràr, somenàr, sfrutàr la tèra.

Som nàt chi ‘n casa, co la levadrice,
aqua calda, pèze de lìm, senza dotori,
no gh’era ancora, demò, la lavatrice,
se lavèva ala fontana, tanti sudori.

Propri da ‘ste bande, se me ricordo,
gh’era el letóm e tacà anca la cùna,
en banda sul cosìm el gat mèz sordo,
pù ‘n là en quadrèt co na bela luna.

Gh’era ‘n spègio grant e mòbili scuri,
sóra na padèla con tant de lampadina,
‘n paviment de quei propri tant duri
e tende co bone grazie per la matina.

L’era el sól, che ‘rivéva nei òci,
a butàrte fòra tuti i ‘ndromenzi,
‘l te sponzèva, propri come i piòci,
no te podèvi de cuerte far somenzi.

Som chi,ani dopo, che tegno strèti,
propri dove na volta ero en “Nène”,
tuti sti ricordi, come fùs preti
che dà la benedizióm a le me péne.