QUANDO I VEGNIVA EN CASA A LAORAR …

Alcuni artezàni, oltra che lavorar ne la so botèga i neva anca casa per casa. Ma no zigàndo “dòne, dòne …”.  come v’ho dit l’altra volta. No, propri i nèva perchè ciamài da sti clienti.

SCOMINZIEM DAL CAGLIER

Na volta al’àm vegniva en casa el caglièr, el calzolaio. E i dis, el se fermèva anche quatro o zinque dì

a giustàr le scarpe de tuta la famèa o a farne adiritura de nòve. No, no so se avè capì. El caglier el vegnìva

en casa a laoràr. Eugenio dèto Genio el vegniva da Caneve. El se portèva tut quel che ghe servìva. La forma

soratùt, cioè n’arnès de fèr a forma de pè, po el martèl, tochèti de pèl e le zìcole, cioè tòchi picoi de coràm

de cuoio che i bastèva per far i mezèti e meze sole.

El “Genio” da Caneve però el se portèva drio anca la so fisarmonica. La sera, nela stàla, dove se feva el filò,

el soneva canzòm e walzer. Ma sol quando el nono el neva a dormir se podèva balàr co le putèle.

Oltre a scarpe e scarponi i contadini i dropèva le sgàrmere, na specie de scarpòm co la sola de legn e la tomàia

de vachèta. Le fèva en bel casim ste sgàlmere sui pavimenti de legn. Le sgàlmere se le lasèva sui ultimi gradini

de le scale, prima de nar en cosina descòlzi. E po’ nel lèt.

 EL SARTOR

En casa vegnìva anca el sartòr o la sartina. E i se troveva davanti en mucio de robe da ramendàr, da tasselàr, rattoppare. Bisogna anca dir che alòra i vestiti i pasèva da pàre en fiòl, da fradel grant a quel medio a quel de drio, a quel pu picol. E alòra bisognèva revoltàr, ridàrghe misure giuste ai vestiti.

Sti sartòri che n’eva en òpra, cioè a laorar en casa, i se fermèva “a cost” cioè i magnèva co la famèa. E anca lì

l’era na gara. Per dir: se ghe feva contàr storie a ‘sti artezàni così i parlèva e i altri entant i magnèva. Sol

che uno de Arco, evidentemente taià, furbo, l’ha capì dai e dai el tài del prà. E quando entant che i magneva

i gh’à domandà come la neva a finir sta storia el gh’à dit: “Ah l’è mort da en colp …” El’ha tacà via a magnar

pu svelto dei altri.

EL TAPEZIER

E per finir gh’era el tapezièr. A Arco prima dela guera, la prima, gh’era en zerto Fritz. El vegnìva dal

Tirolo e l’aveva sposà na zerta Tullia, ciamàda apunto Tulia Frìza. Sta chi l’era restàda vedova

e l’aveva sposà dopo en zerto Turrini detto Giòna. Quindi l’è deventàda Tulia Giòna. El tapezièr

el vegniva ciamà a meter a posto i làstizi, quei dei materàsi. La lana, el sègras, dal tedesco

see-gras, crine vegetale, la vegniva laoràda per po esser rimessa a post e cosìda coi ‘sti làstizi ne la so fèdera.

Se useva comunque anca altri tipi de materassi come i paioni pieni de paia o scartòzi de grantùrch.

E i dis che se dormiva forse meio che sui materassi de ades …