PERDERSE VIA …

di Cornelio Galas

Me pàr che i zùga, en sti dì chì
i oselèti ‘péna nai fòr dal nìf:
en zigamento come nei asili,
en svolazàr gnancóra a ùm.

So màma la ghe dà l’anda …
e tuti drìo, chi bém chi cosìta,
i zérca de far en modo gualìf,
su e zó, de quà, de là, en banda.

Po’ gh’è i primi bùti sule piante,
denti de cagn, violéte, margherite
‘n tra le còl de le vigne che ‘spèta
d’averghe i so vestìdi de fòie.

T’le sènti, anca se no l’scòta ancora,
che ‘l sól el dorme zamài de mém,
tra gnanca tante de ‘ste ‘stimàne,
el vinzerà de nòf contro ‘l stròf.

Gh’è ‘n giro, basta snasàr mèio,
en bói bói che te ciàpa ‘l nàs,
gh’è daperùt, basta che te vardi,
come qualcòs che sta per vegnìr.

L’è vite che riparte anca dal séch,
da ramèti che i da poch poà,
profumi bòni che pòl fàr spìza,
che ariva tuti con quel ventesèl.

E alòra l’è fazile, perderse via,
come quando te vardi ‘n cine,
dove dopo tante brute disgrazie
lù e èla i se bàsa, senza parlar.