I orsi (e altro) sui giornai – 3

di Cornelio Galas

-La sàt la barzeléta de l’ors che torna vìf?
“No”.
-Tranquilo, l’è corta, fàgo prest.
“Dai alora”.
-N’ors che féva massa gazéri el vei copà.
“No me par che se scominzia en modo … alegro dai”.
-Spèta osc’ia. Alora sto ors, copà, come tuti quei che crede a ste robe … dopo mort el torna de nof vìf ma en modo diferente da prima, capì come?
“No ho capì, spiégheme”.
-Cramento, come dìsei en ‘taliàm … el se reincarna en de n’altro tipo de creatura,
“Ah sì, sì, ho lezù qualcos del genere”.
-Sol che no te pòi dezìder ti en cosa te rinàsi.
“Sì, l’è quèla la gàbola me par”.
-E alora sto ors el rinàse pegora … pensa che sfiga. De pù: poch temp dopo el vèi magnà da n’ors.
“Pu sfigà de così se mòre … cioé se rinàse per morir copà da quei che era come ti prima osc’ia”.
-Eco … alora sta pégora che prima l’era n’ors la mòre e la rinàse galìna.
“E scométo che la vei magnàda de nof da l’ors …”.
-No, stavolta par che sia stà ‘l lupo o na volp, no se capìs bem.
“E dopo rinàsela magari cinghiale?”
–No, dopo ‘l rinàse come guardia forestale.
“Elamadòna…”
-E quando nel bosch ‘l trova n’ors …
“Zà, ‘sa fàlo vist che l’era um de quei na volta?”
-Arìva l’ors e lù, tirando fòra el fusìl, el ghe dìs: “Ehi tì, a ocio e crós te dovrési esser el me vecio suocero, scòlta va a farte en giro da n’altra banda valà perché se te sbàro me sà che dopo te rinàsi, se la te va bem, come na brisa e prima o dopo te finìsi en d’en bel risotìm.
-Ma va en … scolta envéze fame veder ancora qualche giornal vecio su ste storie de bestie en Trentim…