ME ARENDO ….
Che te diga compiuter dal … c…o,
tanto ala fin te gài semper resòn ti.
L’è vera: pòdo portarte dapertut …
e nar en Fesbuch, en Iutub, en Tuitter.
I me dìs che ‘l mona son mi,
che no capìsso gnent de ste robe,
che no me tegno a ment le pàsvuord,
che, diaolporco, no ho fat le Iti,
che os’cia basta pòch, pòch …
perché no capissa pu gnent
de ste nove machine per scriver,
mandar via foto, cine, tut cramento.
E sì, l’è propri vera, el digo …
son vegnù su cole pene e l’inciostro,
po’ son passà ale machine per scriver,
con do déi, ma svelti, semper pu svelti.
Ho emparà vuindovs prima de tanti,
quando parlévo de posta eletronica
anca en Comun a Arco (Mantovani sindaco)
i me vardéva come se sbarés monae.
Ho fat el prim giornal eletronico
en Trentin. Col Stefano Michelotti,
el tecnico dei Mòri (Pratosaiano).
Ma adés … adès no capisso pu gnent,
me fiol ogni tant el me dà na man:
“Papà, varda che se te fai cosìta …
te mandi tut a farse ciavàr neh”.
Me aréndo, scuséme, me aréndo …
troverè ancora su le me pagine
le me poesie, le me miserie,
tante idee tute ben scompagniae,
no ghe la fago pu a starghe drio …
a tuti sti compiuter che se cambia,
a ‘n sistema che néva ben l’an passà
e che adés l’è demò zà vecio.
Zercherò de far polito, come semper,
vardé, se podé, quel che scrivo,
no come el vei fora sula vòssa television.
