SAORI, LE VERZE ROSTIDE

Tanti che me dìs: ma ti no fàt mai gnent co la verdura? Pronti alòra. Che adès le gh’è le verze da far rostìde. Pronte en de n’ora. Per quatro che magna serve: en chilo de verza (sol le foie), otanta grami de formài grana gratà, vinti grami de buro, na zìgola, tre cuciàri de oio, sal e pever.

Alòra via che vedrè che fè prest. Fè a lèss le foie de verza: basta zinque minuti ne l’acqua che bòie. No massa sal…quant che ve piàs. Però ‘tenti che dopo ghe và zò altre robe…. Tirè su le verze, sgozèle (che no vol tir taiarghe la testa, no, l’è perché no le sgòza en giro). Struchèle ben.

Quando le ve bar abastanza sùte taièle fine fine. En de n’altra padèla zò el buro, la zigola che avrè taià prima fina fina, zò – quando i tochèti de zigola i s’è endorài – ancora ‘n po de sal (tastè però…che no sia màssa), pèver. E via a misciàr per na trentina di minuti fin che le verze le ciàpa quel color che par te diga: màgneme. No le deve dirve ensoma: Vara che el carbòm el gh’avrià a sto punto pu bon saòr. Basta, tut chi.

Sòra na spolverada de formai gratà e nar che nare prima che le verze le deventa frede. Perché calde o tèpide l’è pu bone se sa. El vin da beverghe drio? En bon Riesling de l’Alto Adige o en Soave del Veneto. Ma va benon anca en bianco dei nossi che no ‘l gh’abia però tanti gradi e che no ‘l sen‘mucia en boca cole verze o ‘l formai gratà.