Le pètole del nas

di Cornelio Galas

I te ciàma mocinér, da pìcol
per quel che te gài nel nas
roba che cóla però, ‘n mòcol
basta ‘l fazolét tirà zo bàs.

Quando se deventa po’ grandi
deventa ‘n piazèr lì ravanàr
en dé che scava ti te mandi
e n’altro dopo via a portar.

Te resta semper tacà sui dèi
quel che no vol pù vegnir via
t’el tochi: dai fòr dai péi…
e quel envéze ‘l va en funivia.

Alòr s’empara a sbarar le cacòte
come se fa a smorzar i zigaréti
en dé fìs e l’altro che dà bòte
fim che la roba la va ‘n tochéti.

Col temp, soratut deventài vèci
tocarse ‘l nàs l’è na ginàstica
per ciapàr temp, ‘mpienìr i séci
de quel da dir, co la so pratica.

Pòl parér ‘n tic de carne gréva
o ‘n zògh emparà fim da putelòti
Stà mal? No me frega na bèla eva
volè che zùga anca coi busolòti?

Che bel sentir quele pètole dure
far nel nas sta pulizia de la cà
Sì, dai però sta de co le to cure
che zo per tera l’è tut empiastrà.

Ma cossa vòt, gh’el digo da ani
to nono caro l’è ancora ala vecia
E pensa che ghe par anca destrani
quei che porta i recini sula recia.

Na volta, el dìs, se te ghe gòsi
no l’era gnent tirar zo le petole
pensa che nel nas anca da morosi
tabach butevem e po’ che nèspole.

Adès da ‘ngosà per far sternudar
i dròpa pìrole e altra batarìa…
no gh’è pù le scatoléte da dropàr
quele che le càne subit libererìa.

Fazoléti de carta se ‘l te vèi zó
quel che ‘n sù no ‘l pòl pu tornar
tanto po’ se ‘l buta via, l’e pèzo
che quele smargéle per tera lasàr.

Per no parlar de quel brut vizio
de tacàr le ciunghe soto el tàol
No se sa mai chi l’è sta ‘l tizio
che l’ha ciuciàe e lassà ‘l bàgol.