MA L’E’ LO STESS …

di Cornelio Galas

No, no sta dirme gnent, gnent,
gò le bàle girae, basta …
Se pròpri stà lì e fà zìto,
ma zìto demò, dal bòm.

Fórsi che te no te pensévi
che fùssa sì catìf? Ah?
Fórsi che no t’avréssi mai …
no t’avréssi mai dit? Ah?

E ‘nvéze vàrdeme, adès …
vàrdrme bem, sì som cosìta,
e alora ? E alora? E alora?
Dai che anca ti, anca ti …

Se pòl esser amìzi da ani,
embriagarse ensèma …
nar a zugar a calcéto,
ma po’ se ariva chì, chìve.

E semper colpa de le done,
che le t’encasina su tut,
che no se capìs pu gnent,
che no te l’avréssi mai dit.

El savévo sat, che te piaséva
la me dona, el savévo …
ma no avrìa mai dit
che tra de voi, dopo …

Epùra l’è suzéss, cramenta,
e adés come la meténte?
Nèm magari ensèma en giro?
A béver, come gnente fussa?

No me la sarìa mai spetàda,
no, da tì po’, mai, mai …
próva a far el viceserva,
tì, tì, al posto de mi, adès.

‘sa faréssit? Dai, ‘sa faréssit?
Vegniréssit a zercarme?
Per far cossa? Per darme?
Eco, così stò anca mi …

No so se vegnir a to casa,
a spacarte la testa …
o se sia meio star dove som,
a far a tochéti l’anima.

Sat cossa te digo ala fim?
Tègnete pur la me dona,
ciuciatèla, cavoi toi,
mi m’en zerco n’altra.