Tra sàbo vintisète e domenega vintòto de otóber
di Cornelio Galas
(la moglie): – varda che i l’ha dit anca ala televisióm, stanòt bisogna tirar endrìo de n’ora l’orolòi.
(il marito): “Ma sì dai, tuti i ani, de sto temp, la solita storia… el so, el so cramento”
-Però po’ el dì dopo te tàchi via la solita tiretera… l’è le oto ma sarìa le nove… l’è le óndese ma sarìa mezdì… meter su da magnar?
“Ma sì, l’è che bisogna ‘bituarse, temp na stimàna no se parla pù de sti orolòi nài endrìo”
-Te ‘l dìsi ti, come tuti i ani. Fato sta che te a ti te vèi semper fam n’ora prima, da nar a pisàr n’ora prima, da nar a dormir… n’ora prima, de far quel che te dovréssi far ‘n del let qualche volta… mai.
“Varda che l’è quel che te disi tuti i ani ala fim de otober neh…”
-Vol dir che anca ti, dàmela e tòmela… te sei en disco encantà.
“Che te diga, ho sentì che i vòl far en referendum per domandar ala zent se i vol seitàr cosìta o tegnir n’ora gualiva che la sia gualiva tut l’am…”.
-Ah voi propri vederte dopo…
“Veder cossa?”
-Vederte, de sto temp, dir… sarìa stà mezdì… e envenze l’è ancora mezdì, capì come?
“Varda che a mi no me farìa né calt ne frét neh…”
-Ah volerìa propri vederte…
“Sì, te digo, se te voi podém provar zà stanòt… lassém lì l’ora come l’è… senza tirarla endrìo o envanti”.
-Se no te voi alter…
(arriva mezzanotte, arrivano le tre di notte… arrivano le otto di mattina…)
-Bepi, Bepiii… va a farme ‘l cafè valà…
“Osc’ia, che ora èlo po’?”
-Le òto, le òtooo…
“Le òto? Ma co l’ora vecia o con quela nova?”
-Co l’ora vecia…
“Osc’ia, sarìa le sete alora… Dai voltete che gò ancora sòm valà…”
