Tra l’algiéri e ‘l domàm

di Cornelio Galas

Come tòchi de vèder, ‘ngiotìdi per sbài
e che spónze adés che te i ribùti fòra;
e con gran dolori dent per tuti quei tài
star lì, atenti, a no far pù dani ancora.

L’è penséri che se mìscia, tanti gazèri
ricordi bruti, bèi e tanti remenaménti
gnent de gualìf, tra l’ancòi e l’algiéri
che l’è come zernìr n’ucia tra forménti.

La va la nòsa vita, semper pù en prèssa
entant che se se vòlta, è arivà zà domàm
la pacièca sui òci la deventa pù spéssa
sì a volte te volerési propri en sugamàm.

Serve difàti qualcós, per netàr el grép
per vardar meio endrìo, soratùt envànti
per no star lì, stormenì da quel slèp…
che se no te ciapi, e senza anca guanti.

No serve far finta, de no averlo ciapà
quel colp che te manda endrìo de schéna
perché zamai te ricordi quando to papà
dopo ‘l te mandeva a paióm senza zéna.

Alora te zerchi de darte na bèla mòssa
de no star lì ‘nsemenì senza far gnent
ìe, te disi, ìe che sul càr l’è grossa
quel che vita ghe ciama tuta la to zènt.

Guai a ‘nmuciàrse, magari’n d’en cantóm
lassa perder tut quel che te dà stremìe
no serve gnanca, crédeme, en gran balóm
che dopo te risc’i de veder tante strìe.

Te sei vìf, come tanti che che te vedi
el còr el bate e te riési star ‘n pè…
vardete ‘ntorno, no l’è ora che te zédi
e gnanca che te mòli per restar endré.

Vegnirà anca domam ‘l sol su sta valàda
anca se piove, se ‘l sa, dove l’è més…
e se no te podrài darghe l’ultima ociada
da qualche altra banda t’el vedrài istés.