La vecia fornèla

La vecia fornèla

di Cornelio Galas

No me crederé, quando ero putelòt
no gh’era roba pù bela dela fornèla
Soratùt quando scominzièva el fredòt
ah per mi l’era la scaldina pù bèla.

 

Sluséva i oci entant che se stizéva
me nona lì ‘n banda a far da magnar,
e sora pò le padéle che se dropéva
e atenti al fòch se l’era drio a nar.

 

Denór le stèle, taiade su gualìve
l’era quele vecie, messe giust via
perché quele nòve, ancora bonorive
le deve stagionàr, se no i te crìa.

 

Sul fil de fer a sugar quei calzoti
tirài fora demò mizi dai scarponi
tut colpa dela nef finìa nei peòti
‘ntant noi nevem en giro…a gatoni.

 

Coi maroni, en autùm, l’era na festa
“vei che t’ensegno come farghe el tài
no spèta a torli via, sta da questa
così te vedì meio se no i s’è brusai”.

 

Quando en casa è arivà la televisiòm
podèvo ancora star lì vizìm al cìcìo
ma dopo Caroselo via che nar a paiom
se no qualcos i te tiréva anca drìo.

 

No ho mai desmentegà quel calt bel
gnanca quando som nà soto militare
ho fat temp na matina, per en pél
a vederla portar via da me por pare.

 

Per scaldar gh’era i novi termosifoni
la legna no se la dropéva zamai pù
squasi me vegniva zo do bei lagrimoni
a pensar che la fornèla i tireva sù.

Questa voce è stata pubblicata in Senza categoria. Contrassegna il permalink.