LA DICHIARAZIOM DEI REDITI

Dai, tò su tute le carte che nem a portarghele a quel che ne fa la dichiaraziom dei rediti. Prest che l’è tardi zamai. Che l’è bel quando se va a far ‘ste robe. Tut l’am a pagar tasse (perché no te ghe scampi se te gai el Cud ) e po’ te gh’en dai ancora prima de l’istà. No i ghe n’ha mai assà…  Alora te toi su tuti sti biglietini, ste fature. Oh, visite, lastre, che t’hai fat e pagà a l’ospedal neh. Po’ le spese per l’università del bocia (se pol tirar zo anca la bugna che ‘l m’ha fat nela ME machina per nar su de corsa a Trent?) e quele per le piastrele dela teraza (che pioveva zò de soto, ‘cramento, se no le lassevo lì come le era). El comercialista el bate sula calcolatrice. Tic, tac, toc. E po’ el domanda: “No gavè alter da tor zo?).  No perché ghè denter anca la liquidaziom… Oscia – ghe digo – ma no ela zà staa tassada quela? – Eh ma la fa cumulo… “Beh, se no la ghe stà en de na cartela, metela en una nova…” – Eh meno male che lue l ride de ‘ste robe. Ades ghe digo quel che el naria a pagar… Entant che el varda ancora i conti ciapo su le me strazze e vago fora da l’ufizi. Meto en scatolom per tera, tiro fora l’armonica… Te vedrai che vers mezdì quei soldi da pagar i salta fora…

Questa voce è stata pubblicata in Senza categoria. Contrassegna il permalink.

Lascia un commento