‘l vènt tra i cavéi

di Cornelio Galas

L’era na godùria dela zoventù,
quanti musciolìni dent ‘ i òci
a nar col motorìm, senza ociài
ma l’era massa bèl quei fìsci…

Che l’aria la te batéva ‘n fàcia
dele volte caréze, altre i sciàfi
ma t’eri zamài ti che la zerchéva
e che spetéva tuti i so dispèti.

Ah che bèl star lì, denór al lach
sentà da sol, co l’Ora che ‘riva,
e te manda tuti i saóri del Garda
e te fa sgolar via i penséri bruti.

No ‘l va semper da l’istessa banda,
pol dàrsi che ‘l cambia la so ànda,
sì, propri quando te diréssi de no
‘l fa le finte, ‘l te làssa entréch.

Drìo ghe va anca tut quant el rèst,
quel che te paréva giust poch prima
de colp el deventa revèrs, nà de mal
come ‘n gelato lassà massa al sól…

Te poi domandarghe quel che te vòi,
lù ‘l starà semper su le sùe, zito,
no gh’enteressa mai dirte cossa far
‘l fa sol gatìzole, per pò scampar.

Col vènt vola, ensèma, tanti destràni
robe de na volta che de colp le è lì,
pianzùe, ridùe, anca abràzi e sbèrle,
che però, stà ‘tènto, no te trovi pù.

Demò na maravéa, qualcos da maghi,
perché ‘l di dopo te narài li de volta,
per veder se quel te parla, se ‘l scolta
quele magagne che ‘l t’ha sveià nel cor.