‘L PROSACH

di Cornelio Galas

L’èra vòt, quando i me l’ha dàt,
che ero demò nùt, gnent ‘n dòs,
sol en botóm, sì quel dela panza,
che tegnìva enséma tut ‘l denter.

Po’le tutine, i capelòti,scarpéte,
l’aqua del batézo sui pochi cavéi,
prima particola, sberle de cresima,
scole pìcole, medie, alte, ‘n là.

Me som sposà, me som anca divorzià,
sposà n’altra volta, laorà na vita,
amizi persi, altri de nòvi trovài,
tanti che no i gh’è pù: ‘n do sarai?

E avanti su sto sentér, fim ala séra,
po’ a paióm: ma sarònte vif domam?
Ritacàr via da dove era nà zó ‘l pich
e seitar a ‘mpienìr sto gròs prosàch.

Fim che na matina, co le bale giràde,
l’ho ciapà ‘n mam sto sàch che peséva:
“Som strach, stuf, le gambe zifolìne,
no ghe la fàgo pù a portarte con mi”.

Ho zercà de butarlo via da la schéna,
che zamài gavévo ségni rósi sula pel,
L’è finì drìt per aria e subit ‘n tèra,
dove no so, ma gnanca mi l’ho zercà…

Ades me sènto nùt, come quando ero nat,
pù lezér, svelto anca a caminar, saltar,
som pronto per zercar propri de capir…
se senza gnent dopo mort se pol riviver.