I ANI ENDRIO

di Cornelio Galas

Oh, te te vòlti, dopo el compleano …
e te capìssi sùbit, no serve la scala,
che i è demò pù tanti quei endrìo
de quei che, fórsi, te gài envànti.

E alóra te vèi la vòia de far …
quel che magari no te podrài pù,
de dìr: “Ma che se ciàva tùt,
tanto prest i me meterà zó”.

L’è che te vèi po’ tanti dùbi,
su cossa far subit, e cossa dopo,
su quel che te piàs adés …
e quel che magari, spetàndo …

Ah l’è na bèla lòta, en bel casìm,
far prima quel che te vòi adés
o spetàr domam che casomai?
Via che la vaga o ragionarghe sòra?

L’è come averghe na bomba, gròssa,
empizàda e propri soto el cùl …
la podrìa sciopàr subit, opùra …
opùra magari la se sfànta, dai.

E no la sciòpa pù, gnanca, gnanca …
a dàrghe bòte col pìch, col martèl,
fin quando te sei ti a dìr basta:
“Putèi, tirème via tute ste canéte”.

Gh’è quei che se mète soto giàz,
e lì, mèzi morti, mèzi vivi …
i starà fin quando qualchedùni,
i li tirerà fòra dal frìzer.

Gh’è quei che magna for tut quant,
mòrt mi, no ve resterà pù gnent,
rangéve, come mi me som rangià,
strussié, come mì ho strussià.

Se vèi de volta, dai funerài …
squasi semper pensando a quél:
“Oh, mèio lù sototèra che mì,
… n’do nente a magnar a mezdì?”