HO DESMENTEGA’

Che son n’om, vegnù fòra da ‘na dona

dopo che gh’era, forsi, amor.
Ho desmentegà che prima o dopo
narò anca mi, soto, nel zimitèri.
No me ricordo pù, pu … pù
perchè ho fat la prima comuniòn,
perchè s’on stà batezà, cresimà,
gnanca perchè me son divorzià.
Me vardo ‘ntorno, lèzo, lèzo,
tuti i libri, anca quei de religion.
Penso da per mi, vardo el zèl
e vedo sol strìe de aeroplani
Vardo per tera, le me scarpe
‘mpolvràe, vecie, scarmenàe.
Riscio de begàr con tut e tuti
sol se voi dir la mia.
Vei scùr, vei ciàr, ma se sa …
‘sto balon el se move.
Ogni tant qualchedùn dei nòssi
i lo mete zò, en de na càssa.
Ogni tant qualchedùn che no se sa
el dìs che sarìa meio far cossì.
Ero bocia, zughèvo al balòn,
adès son vecio, son chi de sficòn.
Me par d’aver capì qualcos
en ‘sti ani de vita.
O forsi i m’ha ‘ncoionà
come tanti de quei che adès
i dìs che avèn sbaià tut.