GH’E’ MASSA BRUTA ZENT EN GIRO …

di Cornelio Galas

Tut era scominzià quela maledeta sera de lùi. I era apéna vegnùi de volta dal mare. Do stimàne en de na pensionzina zò per Cesenatico. De quele senza gnanca na stéla, per dir, senza pisìna, senza clima en camera, col balcon vista n’altro balcon, la spiagia che dele volte, col càlt, c l’umit, la paréva en miragio, come nel desert. Così che no te vegnìva gnanca voia d’encazarte se, apèna mès zo le borse sul letìn, scominzièva a piover.
Fùs sta per lù, se sarìa sparmià anca que l’istà. “Vara che el sol che te ciapi en teraza l’è l’istès de quel del mare sat …” – el gavèva dit ala spósa- “E po’, vot meter la comidità de to casa … gàt sè, te vai denter en cosìna e te averzi el rubinet, senza pagar gnent. Gat urgenza de nar al cèsso? No gh’è coe, te poi star lì a covar fin quando te voi. Gat fam … basta averzer el frigo, qualcos da zacar el gh’è semper. Se no se fa la solita fortaia. O se tira fora dal frizer quele vecie polpete …”.
No, stavolta no l’era riussì a farghe cambiar idea ala spósa. “Sen semper serai en casa come prisonéri. E po’ el mare el fa ben per i bronchi. Per ti po’ che te fumi come en turco …”.
Tut mal, dai, l’era nada anca benòt. I avéva encrontrà altri doi su da Aldén. E na faméa da Storo, pare, mare e tre fioi. Qualche ciàcera ‘l l’aveva fata anca lu. Soratut su quela remengaria che va en giro a robar nele case. “Eh ma l’è semper i zingheni, quei negri che vei coi barconi e po’ no i sa che far … ma sta dale to bande no, vara che en Italia gh’è pu disocupai che en Africa adès … e zò e zò, tute le volte en toròn su come la néva meio na volta, su come gh’era pù onestà. Anca dei nossi politizi se sa …
Fato sta che, dai, el s’era anca pèrs via. E anca la spósa la lo vedéva meio de quando i era partìdi.
Quela sera però, el s’era scòrt subit che qualcos no l’era a posto. El vaso de fiori vizin al portòn dal balòn su drit. E po’ …po’ oscia el porton l’era sfracassà su. Sol a veder quel lu l’era deventà viola, ròs, vert, zalt e po’ ancora pu viola, pu ros …e ancora pu ros.
En casa en gazèr che basteva la metà. Cassèti per tera. No gh’era pu television, compiuter, la scatolèta coi soldi messi via per el matrimoni dela fiòla del Nesto. Per no parlar de quei che gh’era nela casaforte drio el quadro en sala.
“Diaolporcoooooo … el savévo mi che l’era meio star a casa. El savévo miiiii- Ciama i carabinieri subit, ciama i carabinieri diaol de quel porco. Che forsi sti zingheni i è ancora boni de ciaparli … co la nossa robaaaaa. Disgraziaiii, le ruspe, altro che ruspe….”.
Qualche dì dopo, vist che i carabinieri i gavéva dit de cambiar quele porte de … compensà, l’era sta en de na botega de quei che vende i antifurti. E ‘l putèl, simpatico, tra l’alter anca vizin de casa, l’era subit vegnù a dar n’ociada. A tor misure. A vardar l’empianto de la corente, dove meter le television picole che te fa veder chi va e chi vei. Po’ el preventivo. “Oscia – l’aveva dit alzando i oci al sofit – me par tant …” – Però almen dopo no te gavrài pu sti penséri … no te te farài pu sangue catif, la gaveva dit la spósa.
Ala fin el s’era convint, fat na reson. Però l’avéva dit subit: st’an che vei no se va al mare
ma su en Vel. Che en zinque minuti sen de volta se sona l’alarme … e no voi gnanca sentir baf.
El putel l’era zamai en par de stimane che ‘l vegniva a casa. Lu el neva a tor el giornale, a torse da tabacar, a farse en bianco al bar, po’ anca a provéder. La sposa envéze la ghe néva drio ai mistéri de sto chi che l’aveva piazà fili e television dapertut.
Entant i carabinieri i gavéva dit che gh’era dei sospèti … ma i dovéva spetàr prima i risultài dei esami zo en quel de Parma. Ensoma ghe sarìa volù del temp. En par de mesi de sicur.
Ma la casa demò l’era a posto. El savéva adès come far quando el néva fora o quando el nèva denter. Quai botoni schizar. Dove vardar. “Eco, boton vert, vedit Gina? Quando l’è cosita se pol nar denter. Se l’è ros te devi far cosita, scriver sti numeri chi sora e alora el deventa vert … dai che l’è fazilon”.
Passéva i dì. E tut paréva tornà come prima. Ah ma la casa l’era pu sicura adès. Fin quando en dopodisnar arivando a casa l’aveva vist che la Gina l’era forsi nada via. E l’avéva anca serà ben. La s’era empratichida ensoma co sti agègi. L’aveva fat le so manovre, el boton l’era deventà vert e … per tera l’aveva trovà na busta granda. “Oscia – l’aveva pensà, vot veder che è vanzà qualcos da pagar per l’empianto?”. L’ha avert la busta e denter gh’era en fòi con su scrit grant: “Vàra, mi vago, son stufa de begar con ti, de le to manie … no sta zercarme pu”.
For dala grazia de Dio l’era nà foraen stràa desmentegandose de far le manovre viceversa. Co l’alarme che el féva ancor pu casin … del solit. “Oscia, ‘sa t’hai robà stavolta?” gavéva gosà da na finestro el Gigi. “La sposa i m’ha robà, la sposa … e so anca chi che l’è stà”.
Chi elo sta? “Quel putel che mete su i empianti contro i ladri, quel remengo … dovévo entaiarmela …”
Scusa se tel digo sat, ma l’è da ‘n pez, da prima che te néssi al mare che i li vedeva enséma en paes …
En quel menter, era arivà i carabinieri. “Ci scusi, ma sua moglie è venuta in caserma questa mattina e qui c’è una denuncia nei suoi confronti per simulazione di reato e procurato allarme … forse è il caso che ci segua … ah, anche l’assicurazione vuol vederci chiaro. Nessuna altra impronta all’infuori delle sue nel suo appartamento … certo, possono anche aver usato guanti e scarpe rivestite con sacchetti di plastica ma … conoscevano troppo bene i luoghi dove erano custoditi i valori. E poi … poi nel garage, abbiamo già controllato, ci sono televisore, compiuter … anche parte dell’altra refurtiva … poteva almeno occultarla in maniera meno dilettantesca e sprovveduta”.
Entant la sposa, col putèl, l’era zà partìa er na crociera. El biliet i l’aveva comprà da mesi, prima che ela la fussa costreta a nar en quel cesso de pension a Cesenatico …