FRA EL SEDESE E EL DESDOTO

di PAOLA CARLIN

Son vegnuda a saver che el Cornelio no l’è bòn de dir el desasete, el ga na specie de alergia! L’ė n’om inteligente, l’è studià, el conose tute le parole e tuti i numeri, ma el desasete propri no! No’l ghe la fà, l’è pù forte de lù!

Per far n’esempio quando el ga da corer su per le scale el conta i scalini e pò quando l’ariva al sedicesimo o el dà de volta o el fa en salt per pò rebaltarse sul scalin numer desdoto (no l’è pù agile come na volta).
Endó che el ghè el ciapa l’asensor, basta che no sia fra le desasete e le desasete e zinquantanove. Pò ale desasete e desasete qualunque roba el staga fasendo el se ferma e el fa en minut de silenzio!!!
Se pò l’è en dì come encòi, cioè vendro desasete, el sta en del let tut el dì, no’l leva gnanca a pissar, el sta lì a zughetar col compiuter e el fa deventar mat la so dona!
A casa sua sul calendar el desasete l’è cancelà, amizi che abita al civico desasete no ‘l ghe na pù!
Ades però me ven dei dubbi . . . mi e el Cornelio tacaven a nar d’acordo, e pò el me diseva sempre.  . . dai cramento, scrivi!
Ades me vèn tanti dubi . . . lo lezeralo sto scrito, lo publicheralo, me caveral via l’amicizia da feisbuc, se tocheralo con tute doi le man la soto, avronti zà finì la me misera cariera de scritrice? Boh!
Ciao Cornelio, continua a volerme ben e zerca de pasar na bona serata de sto dì fra el sedese e el desdoto!