di Cornelio Galas

No stà nar via, così malmostosa
spèta che te conto la me verità
l’è véra, som n’óm e co la sposa
fago robe giuste ma sol a metà.

No sém gualivi, mascio e femina,
no serve la scala, fim da bòci
ma l’è col temp, a nàr ‘n bina
che se averze, anca de pù, i òci.

El prim baso no ‘l se desméntega
el secont, dai, l’è zà pù bel…
el terz el vèi anca, se no se bèga
al quart envéze se varda el zél…

L’amor, ala fìm, l’è ‘na zìnzola
te te dài el colp e te vai en sù
zerto se deve governar la dindola
se no que l’anda no te trovi pù.

Pòl esser che, ma dipende da tì,
envanti e ‘ndrìo te sèiti a nar
Te par de star bem tuti i to dì
senza sul càlt de l’amor sofiàr.

Paserà dì, mesi, anca diversi ani
fim quando de colp te te scorzerài
che senza starghe drio ai ligàmi…
prima o dopo ariva quel dal formài.

Sarà come levàrse, de colp dal let
te parerà che gnent sia cone prima
te zercherài de parlàr alora scièt
ma ‘l sach se deve ciaparlo ‘n zima.

Te narài en giro, senza saver ‘n dó
la colpa, per ti, no la sarà mai tóa
No te vegnirà ‘n mént e gnanca ‘n pò
che anca de ti sporca l’è la cóa…

E alora, scolta bem quel che te digo,
te resterà sol na stràa da ciapàr…
va dove te porta el cor, t’el zìgo
se no te voi per ani ancora lagrimar.

Zerca de èsser sol quel che te par
quel che denter te senti, ma davéra
no sta pensar che se pò anca scampàr
da quel che te eri, e quel che l’era.

Oci averti, cul con le so protezióm,
no sta cambiar en quel che i te dìs
tegni dur, no serve mai far fazióm,
che ala fim anca lù l’è stà crozefìs.

Se te gài dubi se far così o mìga
no sta domandàr consìli ai to amìzi,
prova a pensar de esser na formiga
piove .. e ve trové tuti quanti mìzi.

Ela la sa dove nar a zercar ‘l sùt,
ti te troverai enveze senza ombrèla
Eco,’mpàra propri da ste robe ‘l tut
‘l destìm no l’è mai na roba bèla…