El vedro el va per so cont

di Cornelio Galas

Ma ‘sa fàt? Varda – me dìs ‘l bocia – che no se pòl adès chi a Arco butar ensèma nela diferenziata el vedro co la plastica come se fèva prima…
-Eh osc’ia – ghe digo – ma da quando elo che no la funziona pù come na volta?
“Da poch dopo che ère partìdi per el mare … oh, e varda che i te tende neh”
-L’ho semper dita che l’è del bào far dele regole se quando la zènt la le ha capide po’ se le cambia, tut mal vago a portar via sta sporcaria valà …ah, dame n’altro sachét per el vedro che ‘l tiro fòra da quel dove ho butà anca la plastica.
Alora, fàta st’altra zernìa, ciàpo su le me stràze e via a portar i sacheti ale campane de Bolignam.

Arivà lì trovo tacà su en tòch de carta col celofàm perché no ‘l se sporca, le parole scrite pìcole che … osc’ia ho desmentegà a casa i ociài. Me vardo en giro e … toh, sì l’è lì che bisogna butar zò le botilie de vedro. S’el capìs subit: dal bus (stret: e se gavès na damigiana, en fiasco da butarghe denter?) da dove vanza fora na botilia de merlot tacàda a una de bira Forst. De pù no ghe ne stà denter: qualcheduni l’ha butà per tera el sachét co le botilie. Come dir: tolèvele su voi a sto punto.


Va bem – digo da per mi – volerà dir che provo da n’altra banda. Gira de chi e gira de là, ale tante trovo na campana piena sì, ma dove se pòl ancora “butàr” en qualche maniera. Quando ho finì me scapa l’ocio su ‘n cartel: l’è quel vecio dove se dìs che vedro e latine le deve nar enséma. Pù en là però gh’è la so bela carta che dìs che ‘l vedro el deve nar per so cont. Va bem. Se no altro la carta la và dove la neva prima e vegno via …


En machina, en còa, gò ‘l temp de pensar … E me domando: ma en tuti sti ani che s’è butà la plastica ensema al vedro come funzionévela? Che na volta scargàe le campane gh’era qualchedum che fèva la zernìa? E adès che la zernìa la fago mi quel lì avràlo pers el post de laoro? Cramento, no se fa così … E tra l’alter, oltre a far sti laori al posto de altri i me manda da pagar anca per i rifiuti che zernìso da per mi e porto da per mi. l’Italia l’è na republica fondàda sul laoro, el gh’è scrit anca sula Costituziom, no sula sporcaria da zernìr.

 

Questa voce è stata pubblicata in Senza categoria. Contrassegna il permalink.

Lascia un commento