EL TEMP PERS

El temp pers

di Cornelio Galas

Te dìsi: ancòi fago sesant’ani
i par tanti,e lassa star i mesi
va bèm, i zinquanta i è lontani
tut mal i è stài tuti bem spési.

 

E l’è chi che ala fim te te sbài
perché i conti no t’hai fat bèm
l’è vera, quarant’ani vif zamài
ma dì:quante volte propri dasém?

 

Pensa demò: quante ore àt dormì?
e quante demò t’ài zacà la vita?
No sta dir che l’era semper dì,
o che te eri squasi come en gita.

 

Dai che anca ti te sei dei nòssi
t’hai fat le tue e senza bazilàr
dele bistèche restéva sol i òssi
e no parlem del bever, del fumar.

 

Ma no l’è quela, come dir, so mare
no l’è de quel che volerìa parlar,
pitost dei fati e de le tante pàre
che dai e dai col temp va a begàr.

 

Forsi no te par, ma quel to orolòi
el va envanti anca se no t’el vedi
minuti, secondi, e no l’è pu ancòi
quel che te eri adés pù no te credi.

 

Basta na rogna, ‘n gazèr, ‘n casìm
quel che te volevi pù no te poi far
l’è nada la sveia lì sul to comodìm
te te trovi sfasà, serà ne l’armàr.

 

Che da lì no te vegni for en pressa
anca se te voleréssi nar via che nar
te sei empegolà, no serve nar a messa
per riciapàr l’anda e content restar.

 

L’è così, del rest, che va ‘sto mondo
se nàsse, se vive e ala fìm se mòre
en mèz le sgiéve, en gran girotondo
magari i te ferma sol perché se córe.

 

Che dirte? Forsi mi no sarò na zima
ogni dì l’è nof, regalà, e da viver
mai enfassarse la testa demò prima…
de ciapar qualcos che no te fa rider.

 

E se te par che ‘l temp no pàssa mai
crédeme, te pensi qualcós che no gh’è
l’è ti alora,dai, che quel dal formài
no te l’hai trovà, no te sai chi l’è.

 

Ciàpa le to stràze, dai, mòlete fòra
che fim che se vive va bem tut quant
l’è quando te pensi sol ala magnadora
che par tut alt, ma no te sei rugant.

 

La bara, ricordete, no la gà scarsèle
quel che te gài ale tante chi resterà
Godete la sposa, i fioi, le robe bele
sul dopo mort nesùni l’endovinerà.

Questa voce è stata pubblicata in Senza categoria. Contrassegna il permalink.

Lascia un commento