EL “PERO”

EL “PERO”

Il-Teatro-dellAssurdo-allitaliana

di Cornelio Galas

Ah quante volte che avém begà. Per po’ finir a béver na bira enséma. Che po’, dai, Pèro, pensévem l’istéssa roba sul teatro, sui famosi spazi per i zóveni en ‘sta Busa. Te ricòrdit quela volta che la Fiàma de Bolzàm l’era vegnua a zugar a palacanestro a Riva?

Tì, zamài campióm de la squadra del Cianci Amistadi, en quei ani te nèvi a tor zò i tabelini de le partìe per l’Adige. Mi, che ero lì da pochi mesi nel “bus” del condominio Piemonte, propri nela sede dela Dc, quela volta no avevo capì perché te eri così encazzà quando te eri arivà de volta col to tacuìm pien de numeri. “Cornelio, sti chì i ha fat el saluto fascista ala fìm … ma te rèndet conto?”

T’avevi po’ scrit quel che te pensévi. Ero d’acordi con ti. E l’articol l’è nà su come l’era. Ero mi, quela dominica che dovevo vardar che fussa tut a posto quel che néva su col fuorisaco a Trent. El dì dopo i capi i me n’ha cantà tante che no le stéva gnanca tute en quela palestra.

La pu bèla: “Ma Cornelio, èrit embriàch ieri?”. Sì, me som embriagà la sera dopo, propri con ti, entant che scoltévem quel che tanti (miga sol de Bolzàm) i avèva lassà per ricordo sula segreteria del telefono.

Po’ su a Drodesera. Quando te fevi dei lavori teatrali che per alora forsi i era massa envanti. Fischi, zent che nèva via brontolando. E alòra se se trovéva sul tardi al Centrale dei Somadossi, a parlar de come se sarìa podù far meio sul palco, co ‘n telom, l’efeto de l’aqua.

T’eri deventà anche consiglier comunale. To papà l’era content come na pasqua. Che bel vederte en mez a quei tromboni che no capiva gnent quando te disévi robe scrite da Camùs … Camù chie? Sardo? Per no dir de quei che te diséva: “Tàsi ti che fin a l’altro dì t’eri zo al pont dei strachi”.

Se se trovéva po’ semper, anca a Roveredo, a Trent, a Bolzam dove gh’era da emparar da zoveni che vegniva da fora. Quante n’avè fat voi de “Resistenza Umana”. E quanti articoi che finiva semper nela stessa maniera: ma cossa se fa per i zoveni en sta busa?

No te eri de tante parole. Poche ma frasàe, quando no gh’era zeròti che tegnìs. Parléva de pù, e diséva, tut, la to fàcia. Che se capìva sùbit el tài del prà.

De colp t’avevi scominzià a star mal, semper pu mal. L’ultima volta che t’avevo vist t’eri magro empicà. E nei to oci se vedeva che te stevi propri per saludar tuti per l’ultima volta.

Anca tì, come tanti altri, te sei nà via prima del temp. Te me manchi tant Pero. Ma tant …

Questa voce è stata pubblicata in Senza categoria. Contrassegna il permalink.

Lascia un commento