EL MEIO DEL PEZO

di Cornelio Galas

Ah, tuti bòni, te me dirài,
de trovar … anca ne la merda,
qualcòs che pròpri no spùza.
Del rest, miga tanti ani fa neh,
gh’era quei che néva a votar
co na moièta sul nàs …
Avén vist, demò, come l’è nàda,
e a che passi che sèn adés.
Gh’è anca quei che te dìs:
“Ocio, che al pèzo no gh’è fin,
ocio che la te và val …
la podrìa nàr anca pèzo”.
Ellamadona, digo da per mi,
e s’envéze la nés meio?
Se dopo aver ciapà scopèle,
codògni propri nei denti,
la fùssa finìa ‘sta granda sfiga?
Ah se sa, se te stài lì a ciapà arle …
te te ciàpi tant che tèra.
Ah se sa, se te te le ciàmi,
le arìva osc’ia, ecome che le ‘riva.
MI digo, oh parlo da per mi, se sa,
che forsi no la deve, semper
finìr propri cosìta.
Che fin che vivén, en ‘sto mondo,
che ‘l rest pòl anca ciavarse.
La gàt sù con mi? Pecà, pecà,
mi no gò gnent con tì: e alòra?
Le guere le nàsse, se né a vardar,
quando no se se parla pù.
E ognun, per so cont, se sa,
el penso d’averghe resón.
L’è difizile (empossìbil, dis qualchedùn)
nar d’acordi tuti quanti.
El so ben, no son en stinch de sant:
però, ‘cramento, dele volte neh,
me par che tuti i nòssi casini,
i sia come … come en pét.
Dopo el rumor, resta la spùza.
Basterìa avérzer le porte,
far giro de aria.
Envéze che stofegàrse
senza gnanca saver perché.