EL GIUBILEO

EL GIUBILEO

giubileo-gpii-672_1286730

di Cornelio Galas

Adés vago zo anca mi, se sa, a Roma,
dove i ha avèrt la porta santa.
E come narò drìo quei càncheni,
vèci, pieni de polver, sderenài,
no gavrò pù pecài su le spale.
Oh, ghe n’ho tanti e po’ tanti,
qualchedùn gnanca da dir.
Ma se vago dént en quela ciésa,
me vegnirà ‘n dós aqua fresca,
che me laverà schéna, còr e ‘l rest.
Squasi me meto, da sùbit neh …
a zercàr el bilièt giust del treno.
A trovarme, zo da quele bande,
na camera, dove magnàr …
dove star en pàze en quei dì.
Me vèi demò ‘n dubi, anzi …
de dubi ghe n’ho de pù.
Se dopo esser stà sugà, per ben,
da sta spugna de la misericordia,
me vegnìss voia de pecàr ancora,
‘sa faga, devo spetàr tanti altri ani,
per scancelàr i novi pecai?
Ah ma la colpa l’è mia, sol mia,
che ciapévo zinquanta lire
per far ‘l ceregòt ai funerai,
e vìnti lire ‘n pu per i matrimoni.
E che dopo magnévo for tut
en gelati e figurine Panini.
Ah, ma la colpa lӏ mia, sol mia,
che me son sposà en ciésa,
e dopo me son sposà n’altra volta,
senza nar ala sacra Roda.
Me trovo spaesà, per no dir alter,
dopo aver let libri, vegnui for adés,
che parla pu de soldi che de fede,
pu de sfrugni che de miracoi veri.
E i ghe fa i procéssi, scólteme mi,
sol a quei che ha dàt via quele carte,
no a quei che ha fat quei embròi.
Ah, forsi no vago a Roma col Giubileo,
me tegno tuti i me pecài.
No me fido dei òmeni dela cièsa,
semper òmeni, ala fin, i resta.
E come tuti i òmeni, i gà tentazion,
quele che porta, ala fin,
a far i pecài, che te pòi perdonar
a altri òmeni e done,
propri perché te sai come la va.
Doman averzo la porta de la càneva,
Dio, se te me vardi zò,
pensa che mi, con tante monàe,
no ghe z’entro. No voi z’entrarghe …

Questa voce è stata pubblicata in Senza categoria. Contrassegna il permalink.

Lascia un commento