el compleano da grant

di Cornelio Galas

‘l riva, ‘l riva, giust come n’àmen
anca se te desménteghe quel dì lì,
‘l riva sul copìm e i te fà festa,
no serve far finta, l’è propri ‘l dì.

Da bòci l’era diversa, tuta la storia,
te strangosévi de deventar grant,
po’ dopo i zinquanta te vardi ‘n drìo,
te vèi da dir: “osc’ia, che rugànt”.

Perché zamai no te sei pu ‘n lugherìm,
l’è cort el fià per fare zerte corse,
te tiri fòra,alòra, ‘l mal de schéna,
“No, no pòdo tirar su quele do borse”.

Quei pu veci i te trata da putelòt,
quei pu zoveni i te dà del nono,
entant le sarìa massa le candeline,
meio dela torta narìa zò en bel cono.

Te te vardi al spègio: e diaolporco
va propri a finir che paro bacuco,
barba ‘ncandìa, cavéi squasi gualivi
sgnapa per resentar? No, gh’è ‘n suco?

L’è tut colpa de quela gran pressa,
de finir la scola, de far robe serie,
de far come i òmeni, quei pu alti
de lassàr i zoghi ma anca le miserie.

E’ vegnù el temp de nar soto la naja,
po’ quel de sposarse e averghe fioi,
è rivà, sì, tante storie da contar,
ma anca dolori, come la mort dei toi.

La vita, diseva na volta um studià,
l’è come en tòch de na sogatèla …
da na banda te nàsi, da l’altra te vai,
se sà sol che te parti per sta novèla.

E pu te vai envanti, pu gh’è i dubi,
se quel de drio l’è pu de trequarti,
se envanti te resta tant da viver
o se envèze è pronti per ti i cubi.

I ride i coscriti,con quela batua,
quela che parla del mal de l’agnèl,
“dai che zamai el savém el nòs destim:
se sgranda la panza, se scorta l’osèl”