EL CLIMA CHE TE VOI, TUT ENTORNO A TI

di Cornelio Galas

Tuti che i se lamenta (anca mi, de pĂą) de sto calt africam, de sto Caronte vegnĂą su drìt da l’inferno ‘cramento. Po’ i se lamenterĂ  (mi no) del fret bestia. Po’ del vent che porta via tut. Po’ che no l’è posibile che ‘l piova tuti i dì, governo lader. Dai e dai a forza de pensarghe su m’è vegnĂą n’idea.

No l’ho gnancora brevetada sta envenziom, anca per el fato che, a dir la veritĂ , l’è sol n’idea. E po’ no ho miga fat le Iti, l’Enaip: dovrìa tro++++var qualchedum che el sĂ  enzignarse a farla su. Far su cosa? Ma na roba che te daga calt, tèpit, fret, frescolim, quando e come te voi ti. No, ‘l so che i ha enventĂ  quei rubineti per misciar l’aqua freda e calda per arivar a quel che te voi ti. No, la mia l’è na roba che ghe somiglia ma ‘n po’ pu complicada.

Se trata propri de “cosirghe” endòs a um (o una, anca puteloti, anca veci), come en vestì fat a mam dopo aver tot le misure giuste, sta specie de scafandro.

El so, el so podria esser malcomot, soratut d’istĂ , ma fème contarvela tuta. Sto scafandro, tipo quel dei palombari, dei ‘stronauti, entant el te farìa sparmiar climatizatori d’istĂ  e sui termosifoni en inverno. E schizando do botoni te gavrĂ©ssi subit el temp che te pias. Meti che te voi sbronzarte col sol: te sparmi anca sule lampade, per dir. Meti che te voi sentir el vent tra le recie: te gavrĂ©ssi anca l’aria per sgionfar le gome de l’auto se le è nĂ e zo.

Sto scafandro te poi anca tegnirlo endòs nel let se col calt, meti, no te rièsi a dormir. E d’inverno te sparmi anca sul piumom, capì come?

Dirè: e per magnar, bever, laorĂ r, pisĂ r, cagar, far zerte robe che de solit no se dis (gnanca ala sposa se gavè l’amante), nar en machina, nar en bici, nar col bus, ensoma per tute le robe che de solit fè senza scafandro e pĂą … liberi disente?

Oh, el scafandro el gĂ  le so portèle stagne neh. E po’ el palombaro soto aqua, per dir, no ‘l va miga zo a far na gita. De solit el laora a giustar qualcos, a brigar soto le navi e miga zò dove se tòca tra l’alter.

Tut mal, se ‘l ve dĂ  fastidi, el scafandro podè anca cavarvel neh. Ma vedrĂ© che quando l’è calt che pu calt no se pol el vos scafandrim narè subit a zercarlo. E ‘n pressa anca.

Quant podrĂ©ssel vegnir a costar n’agegio del genere? No savrìa. El me amico, quel che ha fat le Iti a Roveredo, el m’ha dit che damela e tomela no ghe volerìa en mutuo per pagarlo. Tra l’alter se pol dropar anca tubi, fili, bataria varia che magari gavè zo en cantina che no fa gnent. SavĂ©me dir se sĂ© enteresai. Che taco via, su prenotaziom se sa, a farli sti scafandri. Magaru disĂ©me anca el color che volè così me trĂ go envanti.

El me slogam l’è: El clima che te voi, tut entorno a ti. El so che qualchedum l’ha zĂ  dropĂ  per meter su na banca ma no me vegniva alter.

Ah, tra i acesori (tut denter senza Iva, cioè la nossa modela) se pensèva de meterghe anca na prolunga (tipo spurghi) per quando la scĂ pa e no te gĂ i temp per torte via el scafandro.Po’ dele pirolete (quele che i vende anca en farmacia ma noi le fem pĂą staifele) co le so prot e le ine, i so carboidranti, tut ensoma per empienir el bus al stomech quando vei fam. Denter anca le prese per telefonini, le so cufiete, e se volè anca na televisiom picolina. Pu envanti penserem anca ale rodele, asistìe come le bici che va per so cont anca se no te pedali.

Speto alora prima de meterme drio a far sti scafandri ah?

Questa voce è stata pubblicata in Senza categoria. Contrassegna il permalink.

Lascia un commento