EL BOTON DEL ZERVEL

di Cornelio Galas
No l’è come quel de la pànza,
anca se de sòlit l’è fàt su, en prèssa,
zac e tac, propri come quel.
Su le prime, dai, el dà fastìdi,
ma coi ani, se sà, passa tut.
Disènte, mèio, che se ghe fà ‘l càl,
che col temp no te te scòrzi pù.
Ma a ‘sa sèrvelo pò, ve spiego,
sto botón del zervèl?
Se ‘l pòl empizàr e smorzàr?
Oddìo, a dirla tuta, così, dal bòn,
no savrìa gnanca mi …
Quei che lo gà, no i sà d’avérghel,
quei che no lo gà … i se ne frega.
De sicur però te capìssi, anca da lontàm,
quei che no sà ben come droparlo.
Perché (te pòi parlar propri de tut)
lori i sà semper qualcos de pù.
Perché (oh, gnanca i te scolta, neh)
quando toca a tì i gà zamai da nar.
I la gà sù coi arabi, con tuti i arabi,
perché i trata mal le so done.
Po’ i ariva a cà e per gnènt, magari …
i reména de brut le so spose.
I parla mal, con ti, de tuti i altri
e co i altri, se sa, i parla mal de ti.
Politica? Lassénte star valà.
Far del ben? I te dìs: “E a mi? A mi?
A mi chi elo che me dà na man?”
Te i vedi semper, anca ‘n ciésa,
propri su, nei primi banchi.
Quando ariva quel de l’elemosina,
i buta zo le monedine picole,
quele che dà fastidio en scarsèla.
Per farla corta, me sa questi
(ma anca tanti altri, de sicur)
el botón del zervèl i lo gà sì,
ma no i sa propri come schizarlo.
E alora i resta semper gualivi,
co le so idee, i so modi de dir,
coi so modi de pensar.
Come na television vecia, zamai,
co l’antena che no ciapa pù.