Domàm…

di Cornelio Galas

Dai dai, no gh’è gnènt de nòf
l’è la vita, ‘sa vòt farghe?
En dì la và bèm, en dì de mém
el dì dopo ti te speri che …
e magari, vàra ti, la và pèzo.

 

Così va ‘l mondo, da semper neh,
tra alti e bàssi, en sù e ‘n zó,
se te pensi d’averla embrocàda
vèi fòr qualcòs che te dìs de no
e te làssa, diséntelo, malmostós.

 

‘sa vòt che te diga, de ròbe nove
a ti che te lèzi quel che scrivo?
T’el savrài anca ti, e dime de no
quel che de pù te làssa dalbòm
come na ciorciola senza i pignòi.

 

Na roba séca, forsi da butar via,
anca se l’ha dàt e tant ai altri,
na roba che finìs giùst per tera,
per far somenza o sol sporcarìa,
tut mal mai gualiva a i to sogni.

 

Te dirò, mi che som zamài pu vecio,
che pu se va ‘nvanti, pu se pensa,
a quel che èrem o podévem esser…
a quel che sém e ‘n dove finirém,
‘ntànt sbarém, dai, le ultime capéte.

 

Quando ‘n dì te narài, al zimitèri,
e te vedrài el me nome sula lapide,
no stà pensàr a ste me vecie parole,
fate na ridùa e scàpa de bàla …
no l’è quei i posti dove viver bèm.

 

Sèita a vardar la strada pu bela…
vòleghe bem a la to dona, al to om
tègni da cont i fiòi, i veci i neói
le to pasióm, quel che te dà pàze
e soratut la voia de viver domàm…

Questa voce è stata pubblicata in Senza categoria. Contrassegna il permalink.